iklan

NASIONÁL, POLÍTIKA

Ohin, PR Horta dezloka no halo tratamentu saúde iha Austrália

Ohin, PR Horta dezloka no halo tratamentu saúde iha Austrália

Prezidente Repúblika, José Ramos Horta. Imajen Tatoli/Egas Cristovão

DILI, 14 juñu 2023 (TATOLI)—Prezidente Repúblika (PR), José Ramos Horta, kuarta ne’e, dezloka ba Darwin-Austrália hodi halo check-up ka halo tratamentu saúde.

Tuir informasaun ne’ebé Agência Tatoli asesu, kuarta (14 juñu) ne’e, hosi mídia Prezidénsia Repúblika katak iha kuarta ne’e tuku 12h00 meudia PR sei dezloka ba Darwin-Austrália hodi bele halo tratamentu ba nia saúde iha ospitál balun.

“Iha tuku 12h00 PR sei aranka ba Austrália halo check-up ba nia saúde no ne’e hanesan check-up normál ba nia saúde. Kondisaun agora di’ak hela, PR mak hakarak ba Austrália para check-up full ba nia saúde tomak,” refere informasaun ne’ebé Agência Tatoli asesu hosi mídia Prezidénsia Repúblika.

Tuir informasaun katak Xefe Estadu moras no durante ne’e médiku Cubanu no médiku ida tan mak sempre fó asisténsia saúde ba PR.

“Kondisaun agora di’ak hela, soke PR mak hakarak ba Austrália para check-up full ba nia saúde tomak,” haktuir mídia Palásiu PR.

Iha loron 11-12 juñu ne’e hosi mídia Prezidénsia Repúblika fahe ajenda enkontru Xefe Estadu nian ne’ebé marka ona maibé ikus mai ajenda sira-ne’e kansela, no tuir médiku sira-ne’ebé akompaña katak kondisaun PR di’ak hela maibé presiza deskansa uituan tanba kolen.

Nune’e, tuir informasaun hosi mídia Palásiu Prezidénsia Repúblika katak, iha horsehik mak PR deside serbisu iha uma no hodi kalan mak nia deside ba Austrália hodi check-up.

Enkuantu Prezidente Repúblika sei dezloka ba Austrália iha kuarta ne’e no sei fila hikas mai Timor-Leste iha loron sábadu (17 juñu) semana ne’e.

Jornalista : Nelson de Sousa

Editór      : Cancio Ximenes

iklan
iklan

Leave a Reply

iklan
error: Content is protected !!