Reuniaun konsellu munisipál deside ospitál referál Suai naran Alvaro Alves
COVALIMA, 21 juñu 2023 (TATOLI)–Autoridade Covalima, liuhosi reuniaun konsellu Koordenasaun Munisipál diskute asuntu sira hanesan diskute no deside naran Komisaun Nasionál ba Eleisaun (CNE-sigla portugés) naran Ospitál Referál sai Ospitál Referál Alvaro Alves no Planu Dezenvolvimentu munisipál ba tinan 2024.
“Ospitál Referál Suai forum deside naran Alvaro Alves, tanba bazeia ba informasaun nia hala’o servisu atendimentu dahuluk ema moras sira iha óspital, tanba kle’ur liu halo atendimentu povu Covalima tanba Alvaro Alves nia dedikasaun deside nia naran sai ba Óspital Referál nia naran,” Sekretáriu Administradór Munisípiu Covalima, Francisco de Jesus Alves hato’o ba jornalista sira, iha salaun AMC, Sukaer Laran, kuarta ne’e.
Reuniaun Konsellu koordenasaun ohin diskute asuntu sira importante sira hanesan ko’alia kona-ba naran salaun CNE Covalima agora hala’o hela konstrusaun besik finaliza ona, tanba prepara naran Óspital referál Suai no planu Dezenvolvimentu munisipál ba tinan 2024.
Nune’e, liuhosi reuniaun koordenasaun forum hodi deside naran salaun CNE hodi deside salaun forum ba dame naran Óspital Referál Suai deside Alvaro Alves hanesan haree ba nia dedikasaun hodi halo atendimentu ba povu Covalima.
“Ami deside ona naran salaun CNE maibé desizaun finál sei iha konsellu konsultivu munisipál salaun CNE forum deside ho naran salaun ba dame ho razaun CNE hanesan órgaun autonómia ne’ebé hala’o servisu kona-ba eleisaun hotu, atu haree regra no atu fasilita prosesu demokratizasaun,” nia dehan.
Maske forum liuhosi reuniaun konsellu koordenasaun deside ona, maibé presiza hetan aprovasaun hosi konsellu konsultivu Munisipal ne’ebé sei realiza iha tempu badak.
Autoridade Covalima realiza reuniaun konsellu koordenasaun bazea ba baze legál dekretu lei númeru 3/2016, segunda aleterasaun númeru 54/2020 kada mensál atu halo diskusaun asuntu importante hanesan dezenvolvimentu iha munisípiu Covalima.
Jornalista : Celestina Teles
Editór : Cancio Ximenes
