Governu sensibiliza dekretu-lei rejime júridiku ISS ba autoridade Covalima
COVALIMA, 26 juñu 2023 (TATOLI)–Governu liuhosi Ministériu Solidariedade Sosial no Inkluzasaun (MSSI) sensibiliza dekretu-lei númeru 25/2017 kona-ba rejime júridiku Rejime Jurídiku ba Instituisaun sira Solidariedade Sosiál (ISS) nian ba autoridade sira iha munisípiu Covalima.
“Ami mai hamutuk iha sentru Sosidariedade Sosiál no Inkluzasaun atu halo disemina informasaun dekretu-lei númeru 25/2017 rejime júridiku instituisaun Solidariedade Sosiál,” Koordenadór Jerál ba Unidade Kooperasaun Parseria (UCP, sigla portugés) iha Ministériu Solidariedade Sosiál no Inkluzaun (MSSI), João Coimbra, hateten ba jornalista sira, iha salaun Sentru Solidariedade Sosial Covalima, segunda ne’e.
Atividade sensibilizasaun ne’e, atu partilla konteúdu dekretu-lei númeru 25/2017 ne’ebé nia trajetu sensibilizasaun ba autoridade covalima no parseiru sira.
“Ita hahú habelar ejizensia hosi dekretu-lei regula institusaun Solidariedade Sosiál liuhosi atribuisaun estatutu utilidade sosiál regula sira-nia direitu no dever sira, hanesan instituisaun ne’ebe hetan utilidade sosiál nia bele hetan oportunidade apoiu hosi Governu liuhosi MSSI,” nia dehan.
Daudaun ne’e, implementa ona dekretu-lei refere no rejista ona instituisaun 30 ne’ebé atribui estatutu no apoiu hosi Estadu hodi presta servisu.
Ho nune’e, nia dehan, hafoin hetan apoiu tenke halo tuir dekreu-lei ne’ebé regula ona kona-ba nia implementasaun instituisaun hetan violénsia ruma, regra prosedimentu bele hetan sansaun.
Diretór Sentru Solidariedade Sosiál Covalima, Agapito Asis, hateten sensibilisaun dekretu-lei númeru 25/2017 ne’e importante ba autoridade Covalima sira no parseiru sira.
Razaun dekretu-lei ne’e importante, tanba joven feto-mane halo atendimentu asisténsia sosiál ba ema ho vulneravél sira asegura bainhira iha hanoin ruma estabelese organizasaun solidariedade sosiál.
Jornalista : Celestina Teles
Editór : Cancio Ximenes
