iklan

INTERNASIONÁL, DESPORTU, DILI, HEADLINE

Partisipa World Summer Games, atleta defisiente oferese medalla ba Timor-Leste

Partisipa World Summer Games, atleta defisiente oferese medalla ba Timor-Leste

DILI, 26 juñu 2023 (TATOLI) – Atleta timoroan hamutuk na’in neen ho kondisaun difisiente hamorin Timor-Leste nia naran iha espesiál Olimpiku ka World Summer Games iha Berlin Alemaña tanba konsege oferese medalla lima ba Timor-Leste.

Diretór Nasionál Desportu Sekretáriu Estadu Juventude no Desportu (SEJD), Cesarino da Silva informa, jogu World Summer Games ne’e fó oportunidade ba atleta atletizmu sira iha mundu hodi kompete.

“Iha eventu ne’e ita iha atleta na’in neen mak ba partisipa, sira ne’e ho kondisaun difisiente hotu, sira ba ne’e mesak atletizmu hotu,” Diretór ne’e informa ba Agência Tatoli iha edifísiu SEJD, Lecidere Dili, segunda ne’e.

Abertura ba jogu espesiál Olímpiku ne’e hala’o iha Estádiu Olympia Berlin, iha loron 17 fulan juñu tinan 2023, tuku 20:00 oras Berlin ne’ebé partisipa hosi nasaun hamutuk 100-resin inklui mós Timor-Leste.

Iha jogu ne’e atleta Felizarda da Costa ho idade 22 hosi espesiál Olímpiku Timor-Leste manán medalla osan-mean ka primeiru lugar iha jogu espesiál olímpiku tinan 2023 iha Berlin ho modalidade Long Jump kategoria Feto ho nível C, divizaun ida ne’ebé partisipa hosi nasaun hamutuk ualu Iha Olympia Stadion Berlin.

Nune’e atleta Norberta dos Santos hosi espesiál Olympiku Timor-Leste mós manán osan-mutin ka segundu lugar iha modalidade Shotput (tolak peluru) kategoria feto, nível C, divizaun haat ne’ebé partisipa hosi nasaun hamutuk lima.

Alende ne’e, atleta Oscar Alexandrino de Carvalho dos Reis kompete iha modalidade mini Jevelling ho nivel A, divisaun rua no hetan rezultadu kintu lugar hosi nasaun ualu.

Atleta Herculano Soares kompete iha modalidade Long Jump ho Level B, divisaun 3 no hetan rezultadu kintu lugar hosi nasaun ualu.

Atleta Special Olympic Norberta da Cruz dos Santos rekorda tan medalha osan mean (primeiro Lugar) iha halai 100m Nível C divizaun haat kategoria Feto, hasoru nasaun ualu, hamutuk atleta Norberta rekolla ona medalla rua (osan-mean ida no mutin ida).

Iha sorin seluk atleta Felizarda da Cruz da Costa konsege hetan medalla osan-metan ida bainhira okupa iha terseiru-lugar iha halai metru-100 nível B, divizaun rua, kompete hasoru nasaun ualu no atleta Felizarda konsege konkista medalla osan-metan ida no mean ida; hamutuk rua.

Atleta Oscar Alexandrinho sai terseiru lugar iha metru-400 nível B, divizaun tolu, mane, kompete hasoru nasaun ualu.

Timor-Leste rekolla tan medalla, hamutuk atleta espesiál Olympiku Timor-Leste iha tinan 2023 partisipa iha atividade Berlin-Alemanha, atleta sira oferese medalla ba Timor-Leste hamutuk lima, osan mean rua, osan mutin ida no osan metan ida.

Tuir kritéria Espesiál Olímpiku nian antes partisipa iha jogu ne’e, partisipante sira sei partisipa uluk atividade host town ne’ebé realiza iha sidade lubuk ida iha Alemaña no ekipa Timor-Leste ba vizita sidade ida naran Rathanow durante loron tolu no atleta timoroan na’in neen ne’e ba vizita eskola primária no pre-primária balun hodi prátika desportu hamutuk no fahe sira-nia esperiénsia ba malu inklui aprende mós kultura iha área iha sidade refere.

Eventu internasionál ne’e ramata ona horseik no bainrua sei fila hikas mai Timor-Leste.

Jornalista       : Hortencio Sanchez

Editór             : Rafael Ximenes de A. Belo

iklan
iklan

Leave a Reply

iklan
error: Content is protected !!