BAUCAU, 30 juñu 2023 (TATOLI) – Komisaun Funsaun Publiku (CFP, sigla portugés) sesta ne’e, realiza semináriu nivél rejionál hodi komera loron aniversáriu nasionál ba dala-IX iha munisípiu Baucau.
Prezidente CFP, Faustino Cardoso, esplika, semináriu refere ho tema influensia rede sosial ba dezempeñu servidór públiku ho objetivu atu komemora loron aniversáriu nasionál CFB ba dala-IX ne’ebé sei realiza iha loron-15 fulan jullu.
“Materiá sira-ne’ebé hato’o nu’udar komponente importante iha CFP hahú hosi susesu, dezafiu, espetativa iha futuru liuliu ho prezensa governu dasia,” Prezidente Komisaun Publiku informa ba Agência TATOLI iha Vila Antiga.
Objetivu inportante mak atu hametin liutan partisipante sira-nia koñesementu kona-ba servisu nian ho maneira halo reflesaun ba estatutu nu’udar servidór ba nasaun atubele futuru servisu ho profisionál no hasae intergridade.
Oradór ba semináriu refere maihosi Provedória Dereitu Umanu no Justisa (PDHJ, sigla Portugés), sosiedadr Sosiedade Sivíl hanesan AJAR, Fokupers no Prezidente CFP rasik nu’udar uma-nain.
“Ita konsege hakotu tinan dezempeñu ida no konkista buat balun, alkansa susesu balun, maibé sei nafatin hasoru dezafiu barak nune’e husu hotu-hotu hatudu nafatin kompromisu aas, responsável forte ba atendimentu publiku no nasaun ho kualidade,” Faustino Cardoso akresenta.
Semináriu nivel rejionál ne’e partisipa hosi funsionáriu públiku hosi munisípiu haat kompostu Manatuto, Lautém, Viqueque no Baucau hamutuk na’in-85.
Semináriu refere organiza hosi Ministériu Asuntu Parlamentár no Komisaun Sosiál (MapKoms) ne’ebé remata ho fahe sertifikadu ba partisipante sira iha serimónia refere.
Jornalista : Natalino Belo
Editór : Evaristo Soares Martins
