iklan

HEADLINE, POLÍTIKA

PR Horta ezonera adjuntu Kaza Militár Superintendente João dos Reis Belo

PR Horta ezonera adjuntu Kaza Militár Superintendente João dos Reis Belo

Adjuntu Xefe Kaza Militár Sesante, Superintendente João dos Reis Belo. Iamjen/Mídia PR.

DILI, 06 jullu 2023 (TATOLI)—Prezidente Repúblika, José Ramos-Horta, ezonera Ajuntu- Xefe Kaza Militár, Superintendente João dos Reis Belo, tanba konsidera katak integra iha lista promosaun ba postu superiór no manifesta ninia intrerese atu hadi’a karreira profisionál.

Desizaun liuhosi dekretu Prezidente Repúblika, númeru 59/23, 29 jullu, bazeia ba númeru 3, artigu 26, Lei Orgánika Prezidénsia Repúblika, Lei númeru 3/201, 1 juñu.

“Konsidera mós númeru elementu hosi Polísia Nasional Timor-Lorosa’e (PNTL) ne’ebe mak tinan ne’e, sei tama iha situasaun apozentasaun,” Xefe Estadu ne’e hateten liuhosi nota ne’ebé Agência Tatoli asesu, kinta ne’e.

Liu-hosi dekretu Prezidente Repúblika, númeru 60/2023 no bazeia ba Lei Orgánika Prezidénsia Repúblika, Xefe Estadu nomea Superentidente-Asistente Luís Barreto Soares ba Adjuntu-Xefe Kaza Militar Prezidénsia Repúblika nian.

Antes ne’e, Adjuntu- Xefe Kaza Militar asume kna’ar hanesan Adjuntu Diretor-Jerál Servisu Migrasaun entre 2009 to’o 2016, Komandante ba Setór Permanente Estranjeiru hosi tinan 2016 to’o 2019, Adidu Migrasaun iha Indonézia entre 219 to’o 2020 no iha inan 2023, okupa temporáriamente Komandu ba Pesoál no Formasaun.

Ho nune’e, Superentidente-Assistente Luís Barreto Soares grau akadémiku doutoradu iha área Direitu hosi Universidade Udayana Bali-Indonézia no mós hetan formasaun oioin iha àrea investigasaun kriminál, exploitasaun sexuál, tráfiku umanu, lideransa no demokratizasaun.

Jornalista : Antónia Gusmão

Editór       : Cancio Ximenes

iklan
iklan

Leave a Reply

iklan
error: Content is protected !!