iklan

DILI

Investór Xina fó prioridade ba konstrusaun plaza estrela lima iha Dili

Investór Xina fó prioridade ba konstrusaun plaza estrela lima iha Dili

Campos da Campos Internasionál, Hercio Maria das Neves. Imajen/Espesiál.

DILI, 07 jullu 2023 (TATOLI)–Campos da Campos Internasionál, Hercio Maria das Neves, hateten investór Xina hakarak fó prioridade ba konstrusaun plaza estrela lima iha Dili.

“Agora, prióridade atu hahú agora sei hahú uluk ho Plaza ida-ne’ebé iha otél Estrella lima iha laran ne’ebé fatin mós prontu ona, rai ne’e privadu iha Hudi Laran. Agora, hein de’it Governu fó lisensa atu sira kontinua iha fulan-agostu. Investór sira-ne’e mai hosi Xina, maibé sira-ne’e balun hela iha Amérika, Xina, Filipina no Malázia,” nia dehan ba jornalista sira hafoin ahsoru malu ho Prezidente Repúblika, José Ramos Horta, iha Palásiu Prezidensiál Nicolau Lobato, Bairru Pité, sesta ne’e.

Xefe delegasaun ho nia konsileiru másimu iha investimentu ne’e, vizita ida-ne’e primeiru vizita no nia maun alin sira-ne’e, ema ne’ebé mai ho sériu no sira-ne’e investór datoluk boot iha mundu ne’ebé mai ho proposta prontu ona atu hahú servisu.

“Ha’u xefe delegasaun no konseleiru másimu iha investimentu ne’e, vizita ida-ne’e primeiru vizita. Uluk iha 2002-2003 investór barak mai la konsege halo buat ida ba Timor, ita ukun-aan ona durante tinan 21, ita la haree dezenvolvimentu ne’ebé di’ak. Entaun, ita-nia maun alin sira-ne’e, ema ne’ebé mai ho sériu no sira-ne’e investór datoluk boot iha mundu, sira-ne’e mai ho proposta prontu ona atu hahú servisu, la’ós mai atu ko’alia tanba ita ko’alia no reuniaun barak maibé ita la halo buat ida. Ha’u hanoin, tempu to’o ona atu investór sira-ne’ebé sériu no hakarak duni mai halo dezenvolvimentu iha Timor atu aselera dentru tinan lima agora ho governasaun foun ida-ne’e,” nia dehan.

Tanba ne’e, nia husu ba Governu ne’e atu loke odamatan ba investór sira hodi halo dezenvolvimentu ba rai-laran, nune’e Timor-Leste bele sai hosi problema dezempregu, problema bee, agrikultura, konstrusaun, otél estrella lima, tanba agora Timor-Leste prepara atu tama ASEAN ne’e presiza fasilidade barak.

Nia dehan, Governu tenke koopera didi’ak ho emprezáriu sira, tanba buat barak sira halo iha área gás, oleu, otel, agrikultura, bee-moos, eletrisidade no buat barak.

“Ohin dadeersan, ami iha Oé-Cusse ona. Ita hatene katak Governu foun ida-ne’e sé mak atu muda ka la muda, maibé hakarak ka lakohi. iha Oé-Cisse ita tenke dezenvolve dentru tinan lima. Governu tenke loke odamatan ba emprezáriu hotu-hotu ba emprezáriu nasionál ho emprezáriu internasionál. Iha Oé-Cusse ne’e buat barak ne’ebé atu halo,” nia hateten.

Prezidente Repúblika José Ramos Horta kontente simu sira no sira mós kontente rona hosi Xefe Estadu saida mak Xefe Estadu hato’o no sira.

Prezidente Repúblika, José Ramos Horta, hateten Xefe Estadu ema ida ne’ebé iha koñesimentu barak dezenvolvimentu ekonómiku depois Xefe Estadu mós amigu barak iha estrajeiru, nune’e Xefe Estadu apresia saida de’it mak mai Timor tanba Timor importa de’it, tenke prepara aan esporta sai ba li’ur.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!