DILI, 12 jullu 2023 (TATOLI)—Embaixadora Portugál iha Timor-Leste, Manuela Bairos, hateten prosesu akordu mobilidade entre Estadu Membru Komunidade País Ko’alia Lian Portugés (CPLP, siglá portugés) iha faze negosiasaun finál.
Notísia Relevante: Governu aprova proposta rezolusaun ratifika akordu mobilidade Estadu membru CPLP
“Akordu mobilidade nian iha hela faze negosiasaun finál nian. Iha fulan-marsu liubá publika ona iha ami-nia jornál ofisiál. Mekanizmu dezignasaun institutu empregu no profisionál ida ba Timor-Leste. Tanba ne ‘e, ami prepara ona mekanizmu preparasaun nian kona-ba akordu mobilidade ida-ne’e,” Embaixadora Portugál iha Timor-Leste ne’e hateten ba jornalista sira iha uma fukun Parlamentu Nasionál, kuarta ne’e.
Nia hateten Komunidade País Ko’alia Lian Portugés (CPLP, siglá portugés) mós iha pasta mobilidade ba joven sira, liu-liu akompaña mobilidade ida-ne’e ho dalan ne’ebé bele tulun Portugál, iha apoiu ruma molok sira buka empregu atu buka situasaun estudu nian.
Nune’e mós, nia hateten, estudante timoroan sira seluk bele buka estudu iha Portugál no ida-ne’e sai hanesan prioridade ida ba foinsa’e timoroan sira hodi bele estuda iha Portugál.
Notísia Relevante: PN ratifika ona akordu mobilidade entre Estadu membru CPLP
“Halo estudu iha pasta CPLP nian ne’ e hanoin importante tebes iha Portugá. Ba pasta CPLP nian no mós atu lori foinsa ‘e sira CPLP nian ba Timor-Leste, atu nune’e sira bele iha nosaun ida-ne’ebé kulturál no lian portugés ne’ebé luan no sei hetan biban ida-ne ‘e,” nia hateten
Nune’ e mós estudante timoroan sira iha Brazíl, tuir nia, tanba ne ‘e mak iha posibilidade atu serbisu no estudu sira-ne’ e, sira hakarak fó apoiu ba foinsa ‘e sira atu asegura tanba iha joven timoroan barak mak estuda iha Portugál hodi buka situasaun sira kona-ba dezlokasaun no imigrasaun nian ba Europa.
Hatán kona-ba implementasaun akordu mobilidade laborál entre nasaun rua ne’ e, Embaixadora ne ‘e hatán, sei implementa iha tempu badak nia laran.
“Daudaun ne’e, prevee ona mai ita sei iha duni no asegura vizita nivel aas nian, ida-ne ‘ebé oras ne’ e sei hala’o iha fulan ne’ e nia rohan. Tan ne ‘e, vizita nivel aas ida ne’ e mós bele hamosu solusaun ne ‘ebé lais liu. Tan ne’ e mak ita hein katak bele konsege alkansa iha tinan ida-ne ‘e,” nia dehan.
Notísia Relevante: Timor-Leste sei submete akordu mobilidade ba Portugál
Jornalista : Nelson de Sousa
Editór : Cancio Ximenes
