Dom Leandro Alves ofisialmente ordenadu Bispu Dioseze Baucau

BAUCAU, 21 jullu 2023 (TATOLI) – Dom Leandro Maria Alves, ofisialmente, ordanedu no nomeadu nu’udar Bispu Dioseze Baucau hosi Bispu Dioseze Dili, Dom Virgilio Cardeal do Carmo da Silva,SDB.

Bispu selebrante ne’ebé ordena Dom Leandro Alves, atúal Arsebispu Arkedioseze metroplitanu Dili, Bispu Dioseze Dili, Eménensia Dom Virgilio Cardeal do Carmo da Silva,SDB, esplika, bainhira ema obedese ba Maromak sei lao tuir dalan los tuir vokasaun santidade nian, hahalok diak hotu iha moris loron nian Maromak sei bolu sai Santo.

“Esperansa mak halo ema lao nafatin hakat ba oin hodi mehi iha futuru, ema ne’ebé tau Esperansa ba maromak hakat nafatin hodi hateke ba lalehan hare hetan esperansa nia no iha ne’ebá mak destinasaun ikus ba ema fiar nain sira,” Bispu Dioseze Dili hatete iha Igreja Katedrál Vila antiga, sesta ne’e.

Jesus nu’udar Imanuel katak nia hamutuk ho ita, la’o hamutuk hodi lori ba Maromak tuir São pedro nia liafuan dehan Jesus hosi Nazaret mak kura ema hosi diabu nia ukun atu horik hamutuk ho Maromak.

Dom Virgilio Cardeal do Carmo, argumenta, Maromak nu’udar protaginista, fó konvite, bolu ba misaun ida no bainhira hatene rona inklui obedese ema hahú la’o iha dalan foun ka istória vokasaun hahú.

“Bainhira ita halo ho diak tuir maromak nia hakarak sei lori ba moris tuir Santo,” Dom Virgilio Cardeal da Silva akresenta.

Dom Virgilio Cardeal hato’o mensajem molok ita nu’udar instrumentu Maromak nian la’o sai husik ita-nia fatin ba fatin foun ida hasoru realidade no ema foun Maromak-nia espiritu iha uluk ona hodi prepara fatin esensial ba misaun foun.

Hosi susesu ou lae iha iha knar pastorál la hatuur ema-nia kapasidade de’it no forsa maibé oinsá ita hatene kolabora ho espiritu Santo ne’ebé sai protaginista iha misaun.

“Hosi São José aman no mahein Dioseze Baucau atu proteze no tulun, inspira Dom Leandro Alves atu bele hala’o ho diak knaar bibi-atan iha Dioseze Baucau,” Dom Virgilio Cardeal hateten.

Prosesu ordenasaun liuhosi faze no etapa hanesan Lee sai karta hosi Papa Francisco , Promesa, tula liman no reza ba Dom Leandro Alves, kose mina sagradu, intrega envajellu, mitra, baklu, kadeli inklui aprejensaun nu’udar Bispu Dioseze Baucau ba sarani sira.

Partisipa iha misa ordenasaun episkopál no toma pose Bispu Dioseze Baucau hanesan lider orgaun soberania haat, membru governu, eis primeiru ministru VII governu konstitusionál, autoridade seguransa Falintil-FDTL, PNTL, autoridade munisipál haat inklui sarani Dioseze Baucau, Maliana no Dili.

Biodata Bispu Dioseze Baucau

Naran : Leandro Maria Alves

Fatin no data moris : Ermera, 10-05-1974

Edukasaun

1990-1993 : SMAK Santo Yoseph, Dili

1993-1994 : Ano Propedêutico

1994-1995 : Ano Espiritualidade São João Maria Vianey-Dare.

1995-1998 : Faculdade Filosofia e Teologia da Universidade Católica. Widya Mandala- Kupang, Indonésia.

1999-2001 : Ano Pastoral no Seminário menor de Balide

2001-2004 : Estudo de Teologia no Instituto Superior de São Alberto Magno Évora – Faculdade de Teologia da Universidade Católica Portuguesa.

2014-2017 : Licenciado da Teologia Dogmática na Universidade pontifícia Urbaniana – Roma.

Ordem Sakra