DILI, 24 jullu 2023 (TATOLI)–Vise Primeiru-Ministru no Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, informa, durante vizita Ministru Negósiu Estranjeiru Repúblika Singapura, Vivian Balakrishnan mai Timor-Leste, husu atu reafiva fali voo komersiál ligasaun Dili bá Singapura.
“Simu bainaka Ministru Negósiu Estranjeiru Singapura. Ami ko’alia mós kona-ba asuntu aviaun ninian, Ministru Singapura hakarak tebes katak se bele loron-loron iha konetividade Dili bá Singapura, nune’e mós Singapura mai Dili,” Kalbuadi Lay hateten hafoin simu vizita hosi Ministru Vivian, iha ninia gabinete, Farol, segunda ne’e.
Notísia relavante : Silk Air Semo Kada Semana Tanba Menus Pasajeiru
Antes ne’e, aviaun Silk Air semo dala-tolu kada semana hosi Dili-Singapura, maibé tanba kestaun pasajeiru loron ba loron menus, entaun redús ba kada semana semo dala ida de’it. Daudaun-ne’e seidauk reativa fali voo Dili-Singapura nune’e mós Singapura mai Dili.
Aviaun Silk Air nu’udar Estadu Singapura nian, ne’ebé antes ne’e hala’o ona atividade komersiál iha Timor-Leste besik tinan-haat resin.
Jornalista : Antónia Gusmão
Editora : Julia Chatarina
