Expedito submete ona karta rezignasaun ba PN husik kargu Konseleiru CI
DILI, 27 jullu 2023 (TATOLI) – Sekretáriu Estadu Komunikasaun Sosiál ( SEKOMS), Expedito dias Ximes, submete ona karta rezignasaun ba Parlamentu Nasionál (PN) no husu atu nomea fila fali ema seluk atu subtitui nia fatin hanesan membru Konsellu Imprensa (CI, sigla portugés).
“Agora ha’u hato’o tiha ona ha’u-nia karta rezignasaun ba Parlamentu atu hili fali ida atu troka ha’u, tanba ha’u ne’e reprezentante hosi Parlamentu”, Expedito dias Ximes dehan bainhira partisipa iha talk show ho tema investimentu no dezenvolvimentu mídia Timor-Leste iha ámbitu aniversáriu Agência TATOLI ba dala-hitu ne’ebé hala’o iha edifisiu TATOLI, IP Farol, kinta ne’e.
Expidito dias Ximenes. antes ne’e, hetan nomeasaun hosi Parlamentu Nasional sai hanesan membru Konsellu Imprensa Timor-Leste, maibé agora daudaun hetan fi’ar hosi IX Governu Konstitusionál hanesan Sekretáriu Estadu Komunikasaun Sosiál (SEKOMS)
Jornalista: Natalino Costa
Editór : Zezito Silva
