iklan

MUNISÍPIU, VIQUEQUE

Mota Beaço iha Viqueque nakonu difikulta movimentu transporte

Mota Beaço iha Viqueque nakonu difikulta movimentu transporte

Kondisaun mota Beaço iha suku Maluru, sesta (28/07/2023). Imajen Tatoli/Vitorino Lopes da Costa

VIQUEQUE, 28 jullu 2023 (TATOLI)Udan-boot ne’ebé akontese, sesta ne’e, rezulta mota Beaço nakonu iha suku Maluru, postu Viqueque Vila, munisípiu Viqueque, nune’e transporte hosi Viqueque no Uatulari inklui Uatucarbau labele liu.

“Ita haree daudaun bus sira ne’ebé hosi Dili to’o iha ne’e lorokraik, maibé sira liu ladi’ak ne’ebé agora para de’it iha ne’e hodi hein bainhira mak mota ne’e maran. Se la maran entaun tenke toba iha ne’e aban maka foin la’o,” Abitante lokál, Manuel Soares Hennrique, hateten iha mota Beaço, sesta ne’e.

Notísia relevante : Administrasaun Viqueque laiha orsamentu rezolve ponte Beaço kotu

Nia husu Governu tau-matan ba ponte Beaço tanba ponte ne’e kotu durante tinan barak ona maibé seidauk rezolve tomo agora. Nune’e kada tinan mota tun sempre difikulta movimentu transporte.

Iha fatin ketak, Sekretáriu munisípiu Viqueque, Teotónio Sarmento da Silva, hateten, Ministériu Obra Públika (MOP) mak responsável rezolve ponte kotu, nune’e tenke hatama ba planu 2024.

“Kona-ba ponte Beaço ami sei aprezenta ba nasionál hodi rezolve. Maski mota ne’e kiik, maibé difísil ba ita atu liu mota Beaço. Ponte ne’e harii iha tempu Indonézia ne’ebé agora hotu ne’e tenke rezolve hodi abitante sira uza halo movimentu,” nia akresenta.

Jornalista     : Vitorino Lopes da Costa
Editora          : Julia Chatarina

iklan
iklan

Leave a Reply

iklan
error: Content is protected !!