COVALIMA, 09 agostu 2023 (TATOLI)–Diretór Servisu Munisipal rejistu Notariadu Covalima, António Sarmento hateten, hahú tinan 2020 to’o tinan 2023 ne’e, Rejistu Notariadu Covalima rejista sidadaun 515 trata ona paraporte.
“Iha fulan-marsu to’o ohin loron, sei suspende halo atendimentu ba sidadaun sira trata pasaporte iha rejistu Notariadu Covalima tanba kaderneta pasaporte hotu,” António Sarmento hateten liuhosi nota ne’ebé Agência Tatoli asesu, kuarta ne’e.
Kaderneta pasaporte hotu tanba ita hatene númeru rekerente hahú iha tinan 2020-2023 aas, tanba populasaun no joven Timor-Leste iha interrese boot trata passaporte atu ba servisu iha rai-li’ur.
Prosesu produsaun pasaporte iha Finlándia haree ba nia kualidade tenke tuir estandarizasaun ACAO no bele tama iha scor mobility nia prosesu tuir etapa. ho nia tipu sira hanesan pasaporte Komum, Diplomata, servisu no pasaporte estranjeiru.
“Ita hein implementasaun halo pasaporte foun bele hahú iha fulan-setembru ka fulan-outubru tinan 2023 tanba ekipa Dirasaun Jerál Servisu Rejistu Notariadu ho diretór jerál ba ona Finlándia iha loron 31 jullu to’o 05 agostu no Ministru Justisa mós ba ona estranjeiru iha loron 05 agostu 2023 atu halo aprovasaun ikus,’ nia hateten.
Entretantu, hahú hosi tinan 2020 to’o tinan 2023 ne’e, tuir dadus hosi Servisu Rejistu Notariadu Covalima rejista sidadaun trata pasaporte hamutuk 515 ne’ebé kontribui osan ba kofre Estadu hamutuk $25.750.
Jornalista : Celestina Teles
Editór : Cancio Ximenes
