DILI, 10 agostu 2023 (TATOLI)—Governu liuhosi reuniaun Konsellu Ministru (KM) estraordinária, kinta ne’e, aprova proposta ne’ebé aprezenta hosi Ministru Defeza, Donaciano do Rosário da Costa Gomes hodi nomea Koronél Domingos ‘Dobu’ nu’udar Komandante Komponente Terrestre FALINTIL-Forsa Defeza Timor-Leste (F-FDTL).
“Proposta nomeasaun ne’e sei haruka ba Prezidente Repúblika hodi hetan aprovasaun,” refere nota ne’ebé Agência Tatoli asesu.
Notísia relevante : Komandu F-FDTL Promove Komandante Na’in Ualu Nia Diviza
Nune’e mós, ezekutivu sira aprova proposta promosaun ba ofisiál superiór F-FDTL na’in-lima kompostu hosi, Brigadeiru Jenerál Américo Ximenes ‘Sabika Besi Kulit’ ba postu Majór-Jenerál, Brigadeiru Jenerál Cornélio Ximenes ‘Maunana’ ba postu Majór Jenerál, Brigadeiru Jenerál João Miranda ‘Aluk Descartes’ ba postu Majór Jenerál, Koronél José da Costa Soares ‘Trix’ ba postu Brigadeiru-Jenerál, no Kapitaun Mar e Guerra Higino das Neves ba postu Komodoru.
Jornalista : Antónia Gusmão
Editora : Julia Chatarina
