COVALIMA, 16 agostu 2023 (TATOLI)–Administrasaun Munisípiu Covalima (AMC) liuhosi Servisu Munisipál Ajénsia Fiskalizasaun, identifika implementasaun programa merenda eskolár fó han estudante la tuir menu.
“Ha’u asume diretór ajénsia fiskalizaun foin semana ida, maibé ha’u-nia funsionáriu la’o hela. Ko’alia kona-ba implementa programa Merenda eskolár ne’ebé la’o no halo hela fiskalizasaun iha eskola Bázika Centrál (EBC) balun, ami deteta erru fó han estudante la tuir menu no proposta balun hosi diretór eskola orsamentu laiha balansu ho númeru alunu sira ba programa merenda eskolár,” Diretór Servisu Munisipál Ajénsia Fiskalizasaun, Miguel Armada Cardoso, hateten iha salaun AMC, Sukaer Laran, kuarta ne’e.
Diretór ajénsia fiskalizasaun foin asume kargu semana-rua, nune’e foin identifika erru rua ne’ebé durante implementa programa merenda eskolár iha Covalima, tanba nia prontu atu entrega relatóriu bazeia ba rezultadu fiskalizasaun.
Ekipa fiskalizasaun identifika erru ne’e hanesan iha eskola EBC Lontale, Ladi, Dais no seluk tan iha hela relatóriu nune’e nia sei loke relatóriu atu haree didi’ak identifika erru iha eskola sira.
Hafoin Diretór Ajénsia fiskalizasaun relata hodi idetifika implementa merenda eskolár la tuir menu, Sekretáriu Estadu Dezenvolvimentu lokál husu kedas atu entrega dokomentu ba nia, tanba Primeiru-Ministru fó atensaun ba implementa programa merenda eskolár
“Ita hotu hatene polítika implementa programa merenda eskolár polítika ba longu prazu ba jerasaun kontinuadór implemente tenke tuir menu no fó nutrisaun di’ak ba labarik sira-ne’ebé kada estudante hetan sentavus 0,42 kada loron,” nia hateten.
Antes ne’e, Xefe Departamentu Jestaun Programa Merenda Eskolár, Gregório Ferreira Afonso relata, hahú fulan-abríl to’o fulan-juñu tinan 2023, Covalima ezekuta ona Orsamentu ba implementasaun programa merenda eskolár $ 358.668.24 (31,35%), husi totál orsamentu $ 1,143,937.24.
Orsamentu ba programa merenda eskolár ezekuta husi Ekipa Jestaun Programa (EJP) ne’ebé servisu edukasaun Munisípiu Covalima estabele ona Ekipa Jestaun programa hamutuk 23.
Estudante ne’ebé benefisiáriu ba programa merenda eskolár iha munisípiu Covalima hamutuk 17,431 ne’ebé fahe ba estudante ensinu báziku 15,809 no estudante pre-eskolár hamutuk 1,622 ne’ebé implementa iha eskola hamutuk
Jornalista : Celestina Teles
Editór : Cancio Ximenes
