iklan

LIFESTYLE, MUNISÍPIU, VIQUEQUE

MAP Viqueque introdus makina ko’a hare ba agrikultór Uatulari

MAP Viqueque introdus makina ko’a hare ba agrikultór Uatulari

MAP introdus makina ko'a haree

VIQUEQUE, 18 agostu 2023 (TATOLI)- Ekipa extensionista serbisu Ministériu Agrikultura no Peska (MAP) Viqueque, sesta ne’e, hahú introdus ekipamentu koa hare ho makína ba agrikúltór sira iha suku macadique, postu adiministrativu Uatulari, munisípiu Viqueque.

“Ohin ami halo introdusaun kona-ba utilizasaun makína koa hare nian ba ita-nia agrikultór sira tanba durante sira uza tudik no presiza ema barak maka serbisu. Tan ne’e ita mós adoptasaun ba sistema teknolojia oin loron la’o hela”, Extensionista MAP Viqueque, Lendro Gomes, ba Agência Tatoli, iha suku Macadique.

Leandro hatutan, makína koa hare ne’e MAP hetan ida apoia husi TOMAK nune’e dadaun tékniku sira introdus ba agrikultór atu sira bele hatene uza makina ida-ne’e.

“Makina ne’e baibain ema uza hodi tesi du’ut, maka ema tékniku sira halo rekaisa hodi sai fila fali makina ko’a hare. Makina ne’e ha’u sente di’ak tanba bele hamenus despeza komsumu sira tanba baibain ita ko’a hare ne’e presiza ema na’in-10 ba leten maka ko’a, maibé uza makína ne’e na’in ida maka tara ba kabas hodi ko’a”, nia subliña.

Nune’e nia dehan, ekipamentu koa haree extensionista sira hahú utiliza iha suku Luca no suku Bahalara Uain Postu adiministrativu Viqueque agora maka kontinua introdus iha Postu Uatulari.

“Kona-ba ekipamentu ne’e daudaun ami haree ema komesa fa’an iha loja sira iha Dili tanba ne’e ekipa MAP halo introdus ba sira atu sira bele bele hatene hodi sira bele uza”, nia akresenta.

Iha fatin hanesan, Agrikultór suku Macadique, Carlos da Costa, sente kontente tanba hetan informasaun kona-ba utilizasaun makina koa hare, maske sente difisil, maibé ekipamentu di’ak bele fasilita agrikultór sira.

“Ha’u sente ekipamentu ne’e di’ak bele ajuda ami ko’a haree, ne’ebé lais. Maibé ami maka seidauk toman uza. Ami sei esforsu hodi aprende no halo prátika tanba ne’e ami sente ajuda ami,” nia hateten.

Ekipamentu ko’a hare ne’e utiliza mina gazolina kahur ho oliu 2T, durante introdusaun no agrikultura sira prátika ko’a hare.

Partisipa iha introdusaun makína ko’a haree haree ne’e agrikultór husi suku Macadique, durante loron ida.

Jornalista: Vitorino Lopes da Costa
Editór : Rafael Ximenes de A. Belo

iklan
iklan

Leave a Reply

iklan
error: Content is protected !!