iklan

EKONOMIA, MUNISÍPIU, VIQUEQUE

SAMV distribui makina sama hare hitu ba grupu agrikultór Uatulari

SAMV distribui makina sama hare hitu ba grupu agrikultór Uatulari

SAMV distribui makína sama hare hitu ba grupu agrikultór Uatulari. Imajen Tatoli/Vitorino Lopes

VIQUEQUE, 19 agostu 2023 (TATOLI)- Servisu Agrikultura Munisípiu Viqueque (SAMV) distribui makína manuál sama hare manuál hamutuk unidade hitu ba grupu agrikultór sira iha postu Uatulari, Diretór SAMV, Joaquin Fernando, informa.

“Foin lalais makína manuál sama hare unidade hitu ne’ebé oferese husi nasionál nune’e ami distribui ba ona grupu agrikultór sira iha Uatulari. Apoia makína ne’e ba grupu sira implementa demo área uza adubus orgániku kompostu husi poc nasa, supernasa no hormonik. Tan ne’e, ami distribui makína ne’e ba ita-nia grupu sira hodi sira uza sama sira-nia hare”, Diretór Joaquim, ba Agência Tatoli, iha Postu Viqueque Vila, sábadu ne’e.

Diretór ne’e dehan, makína manuál sama hare la uza gazolina ninia gastu ba makína manuál ladun. Se uza makína sama tenke uza gazolina no balu uza solár hafoin uza hodi sama hare.

“Maibé, makína manuál ne’e ita uza forsa, ita sama hanesan tebe bisikelta maka ita hatama hare ba laran. Ha’u sente makína manuál di’ak fasil ba agrikultór sira uza makína ne’e la’ós ba mane sira, maibé ba feto no labarik sira mós bele sama”, nia hato’o.

Ezekutivu ne’e informa, dadaun ne’e extesionista sira iha postu Uatulari maka akompaña ba grupu sira-ne’ebé hetan makína manuál hodi introdús ba grupu sira kona-ba utilizasaun makína ida-ne’e.

“Alende ita distribui makína ne’e ba grupu sira, ita-nia extensionista sira akompaña hodi introdús ba grupu atu sira bele uza”, nia akresenta.

Enkuantu, grupu sira ne’ebé implementa tékniku demo área iha postu Uatulari kuaze hamutuk hektare 160 ho hare variedade nakroma.

Iha distribuisaun makína manuál sama hare ne’e kada grupu ida simu ida no dadaun ne’e grupu sira hahú uza makína ida-ne’e.

Jornalista: Vitorino Lopes da Costa
Editór : Rafael Ximenes de A. Belo

 

iklan
iklan

Leave a Reply

iklan
error: Content is protected !!