Top

Governu haforsa efetividade no inkluzivu iha instituisuan públiku

Asesór Jurídiku Legál iha MSSI, Egidio Carion. Imajen Tatoli/Osória Marques.

DILI, 21 agostu 2023 (TATOLI)–Ministériu da Solidariedade Sosiál no Inkluzaun (MSSI) iha papel importante atu kontribui ba politika IX Governu Konstitusionál hodi haforsa efektividade, akontabilidade no inklusivu iha instituisaun públiku sira liuhosi esforsu sira hodi mellora servisu no minimiza irregularidade ba programa Governu nian.

Asesór Jurídiku Legál iha MSSI, Egidio Carion, hateten MSSI kompre regra hodi implementa polítika públika sira hodi reforma sistema implementasaun programa iha MSSI, inklui asuntu sira kona-ba transparénsia, responsabilidade finanseira no administrasaun, promove reformasaun estruturál hodi aselera transformasaun nesesária iha área sira-ne’ebé seidauk hatán ba espetativa povu nian.

MSSI promove reforma estruturál iha prosesu tomak, sistema no metodolojia ne’ebé apoiu dezenvolvimentu sustentável, hodi nune’e instituisaun sira bele implementa programa ho efikas, responsável no inkluzivu.

“Sorumutu ohin ne’e, nia objetivu mak atu ita esklarese liga ho asuntu enzonerasaun ba kargu xefia balun iha sentru nasionál reabilitasaun. Desizaun ida-ne’e ministra solidariedade foti tanba desobidiénsia subordinadu sira. Entaun, ohin, MSSI halo koferénsia imprensa tanba atu responde karta ne’ebé sira halo autodefeza hodi dirije ba Primeiru-Ministru no mós ba Vise Primeiru-Ministru sira kona-ba ministra nia desizaun ne’e,” Asesór Jurídiku Legál iha MSSI, Egidio Carion, hateten liuhosi konferénsia imprensa iha edifísiu Sentru Nasionál Reabilitasaun (CNR, sigla portugés), Becora, segunda ne’e.

MSSI halo ona ezonerasaun ba kargu xefia balun iha Sentru Nasionál Reabilitasaun (CNR) iha inisiu fulan-agostu ne’e, tetu ba kondisaun hirak tuir mai mak desobidénsia subordenadu ba desizaun Ministra.

“Liuhosi enkontru dala rua iha fulan-jullu nia-laran ho kargu xefia sira, Ministra informa ona katak la autoriza atu estabelese kualker kontratu foun hahú hosi loron 03 jullu hodi hein orientasaun tuir mai, no presiza halo koordenasaun ho Ministra ba programa no planu operasionál instituisaun nian no atividade servisu. Maibé, ita nota katak kaer kargu sira iha CNR la kumpre desizaun ne’e hodi hamonu moru ne’ebe aguarda edifisiu CNR no kuntinua halo kontrusaun fíziku. Ho nune’e, Ministra halo desizaun ezonerasaun bazeia ba baze legál tuir Dekretu-Lei Númeru 37/2012 legaliza CNR tutela ba MSSI, no Ministra iha kompeténsia tomak atu nomea no ezenora dirijente sira,” nia dehan.

Razaun halo enzenorasaun tanba haoin hala’o kna’ar hanesan ministra solidariedade sosial ne’ebé partisipa iha Konsellu Ministru hodi rona orientasaun Primeiru-Ministru nia polítika, atu implementa ba liña ministeriál sira hotu la’ós ba CNR de’it.

“Ita hotu hatene, CNR ne’e administrasaun indireta hosi Ministériu nune’e la sees hosi polítika ne’ebé IX Governu fó. Tanba, IX Governu halo polítika ida katak atu halo revizaun ba projetu sira-ne’ebé bainhira prezidente dekreta eleisaun no povu ba vota iha urna iha 21 maiu. Ida-ne’e tama iha periódu governu jestaun. Liña ministeriál barak mak kontinua halo kontratu foun hodi hala’o projetu fíziku sira. Tanba ne’e, IX Governu entende katak presiza halo revizaun foun,” nia hateten.

MSSI husu kargu xefia ministra nian hotu atu guarda lai projetu sira-ne’e no labele ezekuta lai, hein revizaun foun hafoin bele foti desizaun sira, maibé saida mak akontese, desobidiénsia ba desizaun ministra nian.

“Ida-ne’e polítika Governu nian hodi guarda lai projetu sira-ne’e, la’ós atu hapara. Haree lai, bainhira iha ona legalidade mak bele kontinua projetu sira-ne’e. Ida-ne’e polítika IX Governu nian. Tanba, tuir loloos projetu sira mak tama ona iha periódu jestaun labele halo kontratu foun. ida-ne’e mak razaun ba minsistra hodi enezonera,” nia dehan.

Tuir artigu 3 iha alenea “e” iha dekretu-lei Númeru 37 Tutela e Superintendência O CNR está sujeito à tutela e superintendência do Membro do Governo responsável pela Assistência Social, Nomear e exonerar o Director e os Subdirectores, em coor-denação com a Comissão da Função Pública.

Jornalista : Osória Marques

Editór       : Cancio Ximenes

Publisidade

Leave a Reply

Latest Post

error: Content is protected !!