PN aprova OR 2023 ba MAE $52.764.796 iha espesialidade

August 24, 2023
11:03 AM
Facebook Instagram X WhatsApp Telegram

Membru deputadu Parlamentu Nasionál iha aprezentasaun, diskusaun no votasaun Orsamentu Retifikativu iha faze spesialidade, iha sala plenária Parlamentu Nasionál, kinta (24agostu 2023). Imajen/Tatoli

DILI, 24 agostu 2023 (TATOLI)—Parlamentu Nasionál, kuarta ne’e, aprova proposta Orsamentu Retifikativu (OR) 2023 hosi MAE Ministériu Administrasaun Estatál (MAE) ho montante $52.764.796 iha debate espesialidade, ho rezultadu votu a-favór 50, kontra hitu (7) no abstensaun hitu (7).

Hosi montante hirak ne’e, kategória ba saláriu e vensimentu ho montante $11.920.636, bens no servisu $4.274.462, transferénsia públika $35.465.107, kapitál menór $249.191 no kapitál desenvolvimentu ho montante $855.400.

Aleinde ne’e, orsamentu ne’ebé aloka ba programa desentralizasaun administrativa no poder lokál ho montante $39.481.944, ba programa funsionamentu no dezenvolvimentu institusionál ho montante $13.243.892 no inklui programa inkluzaun sosiál hmautuk $38.960.

Nune’e, ba loron ida ohin (kinta, 24 agostu), Parlamentu Nasionál sei kontinua hala’o diskusaun no votasaun iha faze espesialidade no mós votasaun finál globál ba proposta lei númeru 1/VI(1a)-alterasaun dahuluk lei númeru 15/2022, 21 dezembru, Orsamentu Jerál Estadu (OJE) ba 2023, no lei númeru 2/2022, 10 fevereiru, Enkuadramentu Orsamentál Jerál Estadu no Jestaun Finansa Públika no alterasaun daruak lei númeru 8/2008, 30 juñu, lei Tributária.

Jornalista : Osória Marques

Editór : Cancio Ximenes