COVALIMA, 26 agostu 2023 (TATOLI)–Diretór Interinu Klinika Ospitál Referál Suai, Eligio Agostinho de Araújo Soares, hateten hahú fulan-janeitu to’o agostu ne’e, ospitál Referál Suai transfere pasiente 10-resin ba Hospital Nasionál Guido Valadares (HNGV) Dili hodi halo tratamentu saúde intensivu.
“Ami transfere pasiente la to’o na’in-20, na’in 10-resin ba Hospitál Nasionál Guido Valadares (HNGV) atu kontinua halo tratamentu saúde kompara ho ospitál sira seluk,” Eligio Agostinho de Araújo Soares hateten ba jornalista sira, iha ospitál referál suai.
Ospitál transfere pasiente ba nasionál, tanba moras sira hanesan ortopédiku tanba iha Suai m’ediku ruinnian no ekipamentu ladún kompletu, pasiente fuan atu halo intervensaun estudu, neulojia, estruk no mós pasiente sofre moras kankru.
“Ospitál Suai transfere pasiénta ba Dili, iha nesesáriu ita atu transfere, tanba ita-nia ekipamentu la kompletu hanesan ortopédiku médiku ruin halo atendimentu ba ruin tohar haruka ba Dili, haruka pasiente fuan hodi halo intervensaun eko estudu, neolójia ho estruk atu konfirma nia diagnose, liuhosi sitiskan ka estudu seluk no mós pasiente kankru laiha espesialista onkolójia,” nia dehan.
Tanba, nia dehan, óspitál Referál Suai iha doutór espesialista sira hanesan, espesialista urolojia, beda, kardiólojia, Neurólojia, kakutak, saraf, ruin, labarik kiik, inan isin-rua ne’ebé maiória espesialista hosi Cubanu no timoroan na’in-rua.
Tuir dadus, hosi pasiente ne’ebé baixa iha Ospitál Referál suai hamutuk-1200.husi ne’e, trasnfere pasiente ba óspitál Nasionál la to’o na’in-20.
Jornalista : Celestina Teles
Editór : Cancio Ximenes
