SEFOPE Covalima sei estabelese sentru formasaun dalen inglés-korea
COVALIMA, 28 agostu 2023 (TATOLI)–Sekretária Estadu Formasaun Profesionál no Empregu (SEPFOPE) munisípiu Covalima sei estabelese sentru formasaun lian ingles no korea ba joven-sira iha munisípiu Covalima.
“Tanba, ita iha ona fasilidade no fatin atu estabelese sentru formasaun ba joven-sira iha Covalima. Governu iha planu atu loke sentru formasaun lian korea no inglés iha munisípiu Covalima nune’e prepara joven-sira atu rekruta kandidatu traballdór ba rai-li’ur hanesan nasaun Austrália no Korea,” Diretór SEFOPE Covalima, António Carvalho, hateten ba jornalista-sira iha salaun Eskola Sekundáriu Jerál Suai, segunda ne’e.
Planu loke sentru formasaun ida-ne’e ho objetivu atu prepara joven sira iha Covalima hodi nune’e bele rekruta kandidatu traballdór timoroan atu ba servisu iha rai-liur hanesan nasaun Austrália no Korea.
Aleinde SOFPOPE estabele’se sentru formasaun, SEFOPE fahe informasaun kona-ba papél SEFOPE hodi halo akonselamentu kareira profesionál ba estudante finalista, iha eskola Sekundáriu Jerál Públiku Suai.
“Ami mai iha eskola Sekundáriu Jerál Públiku Suai atu fahe informasaun ba estudante finalista, oinsá sira atu asesu formasaun finaliza estudu iha ensinu sekundáriu bainhira la kontinua, sira bele asesu informasaun hodi tuir formasaun iha SEFOPE atu kaderniza kapasidade kompete iha merkadu traballu,” nia dehan.
SEFOPE Covalima hala’o atividade akonselamentu kadeira profesionál, durante loron ida-ne’ebé fahe informasaun, kona-ba papél SEFOPE oinsá atu atende joven-sira asesu informasaun kona-ba formasaun no sentru formasaun sira fahe informasaun kona-ba prosesu rejistrasaun.
Kandidatu estudante Finalista, José Maia Lemos Gusmão, orgullu bainhira SEFOPE hala’o atividade akonselamentu kadeira profesionál hodi fahe informasaun papél SEFOPE ba kandidatu estudante finalista-sira.
“Ha’u orgullu atividade hosi SEFOPE fahe informasaun ba ami kandidatu estudante finalista sira, nune’e hafoin finaliza tuir ezame nasionál inan-aman laiha kbiit ami atu kontinua eskola, informasuan atu tuir formasaun iha sentru formasaun iha sentru formasaun sira,” nia hateten.
Tuir dadus hosi Servisu Munisipál Edukasaun Covalima totál kandidatu estudante finalista ne’ebé partisipa ezame nasionál 2.786, mai hosi eskola 33 ne’ebé kompostu eskola ensinu báziku 24 ho nia estudante finalista hamutuk 1,577, eskola ensinu sekundária jerál tolu (3) ho totál estudante 896, eskola sekundáriu tekniku Vokasionál neen (6) ho totál estudante finalista hamutuk 313.
Jornalista : Celestina Teles
Editór : Cancio Ximenes
