Top

Deputadu FRETILIN husu Governu rezolve lalais eletrisidade mate iha Dili

Tékniku EDTL, E.P halo hela manutensaun liña eletrisidade iha estrada ibun Portu Dili, segunda (16/05/2022). Imajen Tatoli/Francisco Sony

DILI, 29 agostu 2023 (TATOLI)—Deputadu hosi bankada FRETILIN iha Parlamentu Nasionál (PN), Dário Madeira, husu Governu atu rezolve lalais leletrisidade ne’ebé mate iha kapitál Dili ho oras barak nia laran.

“Ahí eletrisidade ne’ebé desde horisehik lorokraik mai too ohin, iha Dili parte área barak mak  ahi mate total. Dili ne’e kuaze vida familia hotu-hotu moris ho enérjia eletrisidade nian, hanesan bee-tein no sira seluk tan. Ha’u husu parte relevante atu rezolve lalais,” Deputadu Dario levanta liuhosi reuniaun plenária iha PN, tersa ne’e.

Nia dehan, impaktu hosi liña eletriaidade mate ne’e tanba ai-hun boot iha Hali Laran monu kona fiu eletrisidade hodi halo ahi eletrisidade kuaze mate totál, nune’e presiza tau atensaun hosi parte ezekutivu atu haree.

Aleinde ne’e, nia hato’o mós ahi eletrisidade mate la’ós akontese iha Dili de’it maibé iha munisípiu sira mós hanesan Baucau parte postu Quelicai iha área Laisorulai kuaze loron tolu ona sempre mate lakan, nune’e impaktu boot ba komunidade nia sasán eltrónika.

Nune’e, presiza atensaun tanba eletrisidade mate lakan, bele estraga konsumidór sira-nia sasán eletróniku.

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!