Top

PPN sei ba presta deklarasaun hanesan sasin iha Tribunál

Prezidente Parlamentu Nasionál (PPN), Maria Fernanda Lay. Imajen Tatoli/António Daciparu.
Prezidente Parlamentu Nasionál, Maria Fernanda Lay. Imajen/TATOLI

DILI, 29 agostu 2023 (TATOLI)—Parlamentu Nasionál (PN), tersa ne’e, iha reuniaun plenária ho votasaun eskrutinu autoriza Prezidente Parlamentu Nasionál (PPN), Maria Fernanda Lay, ba presta deklarasaun hanesan sasin ka testamuña iha prosesu judisiál.

“Deliberasaun ne’ebé foin daudaun ita aprova liu ho votu a-favór 53, kontra rua (2), abstensaun ida (1), votu branku rua (2), totál Deputadu prezente hamutuk 58, ho nune’e pedidu autorizasaun atu presta como testamuña, maibé ho prorogativa ida por escrito fica autorizado hosi Tribunál nia pergunta, atu Deputada Fernanda Lay, hato’o presta nia testamuña,” Prezidente PN Interina no Atuál Primeira Vise Prezidente PN, Maria Terezinha Viegas, fó sai iha sala plenária, PN.

Tuir paresér Komisaun A trata asuntu Justisa no Konstituisionál katak, konstituisaun artigu 94 (Imunidade), iha alinea 1, hateten Deputadu sira la hatán ba lia sívil, lia kriminál eh lia disiplinár tan sira nia votu hanoin bainhira hala’o daudaun kna’ar, no alínea 2, katak imunidade parlamentár nian bele hasai tiha tuir buat ne’ebé hakerek iha PN nia rejimentu.

Loron komisaun C emite paresér ho sentidu PN konsede autorizasaun Deputada Maria Fernanda Lay, presta deklarasaun ho kualidade hanesan testamuña iha ámbitu prosesu sívil nuc.0205/22.CVTDD, Tribunál primeira instánsia iha Dili.

Jornalista : Nelson de Sousa

Editór       : Cancio Ximenes

 

Publisidade

Leave a Reply

Latest Post

error: Content is protected !!