COVALIMA, 31 agostu 2023 (TATOLI)—Sekretáriu Administrasaun Munisípiu Covalima, Francisco de Jesus Alves, husu ba Governu sentrál atu konstrui kampu ba Corrida Cavaloiha Covalima tanba kampu agora ne’e fó perigu ba ema-ne’ebé tuir kompetisaun Corrida Cavalo nia vida.
“Ami husu Ministériu Turizmu no Ministériu Juventude no Desportu atu haree objetu sai hanesan desportu komunitária ne’ebé idéntiku ho munisípiu Covalima bele atrai turista-sira mai vizita ita-nia nasaun no bele atrai turista lokál (doméstika) hosi munisípiu seluk mai iha Covalima. Maibé, haree kampu ne’ebé ita uza ne’e ho emejénsia liu sei uza bebak no ai, entau sai perigu ba ema ne’ebé sa’e kuda. Bainhira sira monu bebak bele sona sira no perigu ba sira nia vida,” Francisco de Jesus Alves hateten ba jornalista, iha kampu Suai Loro.
Tanba ne’e, autoridade Covalima rekomenda ba Ministériu Turizmu no Ministériu Juventude no Desportu atu haree no konstui kampu, tanba Corrida Cavalo hanesan desportu komunitária ne’ebé idéntiku ho munisípiu Covalima.
Tanba ne’e, ba futuru Administrasaun Munisípiu Covalima kontinua promove desportu komunitária ne’e hodi anima komunidade bainhira komemora loron nasionál-sira, nune’e Ministériu Juventude no desportu atu apoiu Administrasaun Munisípiu Covalima iha parte desportu komunitária nian.
Reprezentante Governu Sekretáriu Estadu Dezenvolvimentu Lokál, Mateus dos Santos Tallo, hateten nia parte sei hato’o ba ministériu relevante atu haree, tanba desportu komunitária Corrida Cavalo importante nune’e Governu sei fó atensaun.
“Ha’u hanoinCorrida Cavalho hanesan atividade desportu komunitária importante tebes, Governu sei haree hodi tau atensaun. Nune’e, nia parte sei ko’alia ho membru Governu kompetente oinsá bele tau matan asuntu ida-ne’e iha munisípiu Covalima,” nia hateten.
Entretantu, iha kompetisaun Corrida Cavalo fahe ba kategória B C D no E ne’ebé komisaun entrega ona prémiu ba vensedór sira iha kompetisaun Corida Cavalu.
Tuir Obrservasaun hosi Jornalista Agência Tatoli nota iha terrenukatak durante komisaun Organizadora realiza atividade desportu komunitária kompetisaun Crorida Cavalo komunidade partisipa másimu hodi asiste direta iha kampu Suai Loro hodi komemora loron FALINTIL no konsulta populár.
Jornalista : Celestina Teles
Editór : Cancio Ximenes
