PNTL Covalima partilla informasaun prevene konflitu ba konsellu suku iha Suai
COVALIMA, 31 agostu 2023 (TATOLI)—Komandu Polísia Nasionál Timor-Leste (PNTL) Covalima, partilla informasaun oinsá atu prevene konflitu ba xefe suku ho nia estrutura (konsellu suku) sira hosi suku Beco, Camanasa, Debos, Suai Loro no Labarai, iha postu administrativu Suai, munisípiu Covalima.
“Ita partila informasaun ligasaun oinsá mak ita atu halo prevensaun konflitu nune’e bele redús krime no bele kria kondisaun di’ak,” Komandante PNTL munisípiu Covalima, Superintendente Calisto Gonzaga hateten ba jornalista-sira, iha salaun Kobek, Bairru Costa, kinta-ne’e
PNTL partila informasaun foku prevensaun konflitu ba xefe suku ho nia estrutura ne’ebé kada suku reprezenta ema na’in-10 ne’ebé fó prióridade ba postu administrativu Suai, munisípiu Covalima, ne’ebé hala’o durante loron tolu nhahú hosi 8 fulan-agostu loron 31 fulan-agostu 2023.
Komadante PNTL Covalima hato’o agradesimentu ba partisipante-sira-ne’ebé finaliza ona no sira iha ona koñesementu balun nunka rona kona-a servisu tránzitu, investigasaun, violasaun uma laran no mós informasaun ne’ebé PNTL partilla regra jerál iha komunidade.
Administradór postu Suai, Luzinho do Rego, hateten PNTL realiza atividade hodi partilla informasaun hanesan bukae ida ba líder suku ho nia estrutura sira hanesan matan-tilun povu nian atu leno dalan ba povu.
Partisipa iha atividade ida-ne’e bele iha ona koñesementu liga liu prosesu justisa ne’e la fasil tanba ho prosesu naruk mak kazu lubuk-ida mak akontese iha komunidade nia leet, ho nune’e nia husu ba líder suku ho nia estrutura atu kontinua habelar informasaun ba komunidade.
Nia rekomenda, formasaun ba líder suku labele para de’it iha ne’e maibé komandu tenke kontinua halo planu atu kontinua formasaun ba membru konsellu suku foun sira.
Antes ne’e, Governu ne’ebé lidera hosi Primeiru-Ministru, Kay Rala Xanana Gusmão, aprova ona loron 28 fulan-novembru sei realiza eleisaun ba xefe suku ho nia estrutura.
Jornalista : Celestina Teles
Editór : Cancio Ximenes
