BAUCAU, 31 agostu 2023 (TATOLI) – Konsellu Munisipál Kombantente Libertasaun Nasionál (CMCLN, sigla portugés) konsidera luta naruk ba ukun rasik aan determina hosi konsulta populár.
Prezidente Konsellu Munisipál Kombantente Libertasaun Nasionál (CMCLN, sigla portugés) Baucau, Fernando Gusmão ‘Beredu’u’ , esplika mesmu loron refere la’ós konsellu mak organiza maibé konsidera inportante tanba luta durante tinan-24 hasoru okupasaun Indonézia finaliza ho konsulta populár.
“Ita ukun rasik aan nia loron, presiza halo reflesaun hodi hanoin hikas loron importante ne’e,” Prezidenti CMCLN informa ba Agência TATOLI iha Vila Nova, kinta ne’e.
Konsellu Veteranu Baucau rekoñese, veteranu barak mak nafatin sei moris iha susar,aske Timor-Leste selebra ona loron konsulta populár ba dala-24 ona.
Beredu’u konfesa, veteranu tenke esforsu mesak atu hadi’a moris família liuhosi atividade oinoin hodi hein governu kria polítiku dignu ba veteranu liuhosi subsidiu, rejistu, bolsu estudu ba oan veteranu nune’e prepara di’ak liután iha futuru.
“Se ita hotu hanoin uluk halo funu nune’e governu tenke tau matan ba ha’u, ne’e bainhira mak ita moris di’ak,” Beredu’u akresenta.
Konsellu Veteranu Baucau planeia sei finaliza rekolla restu mortál no finaliza konstrusaun jardín eroi iha Fatumaca, postu admistrativu Baucau Vila hodi haloot saudozu sira hosi postu admistrativu tolu, komposta hosi Venilale, Vemasse no Baucau Vila.
Enkuantu verifikasaun dadus veteranu Baucau tuir planu sei hahu hikas iha fulan-setembru hosi totál 15.252, kompostu válida ona hamutuk 12.163 ka pursentu 80 no hela pursentu 20.
Hosi total dadus refere, kada postu admistrativu hanesan postu Baguia hamutuk 1.847 kompostu validasaun 1.275 no fakta 562, postu Laga hamutuk 3.745 falta dokumentu 612, postu Quelicai hamutuk 3.233 sei hela dokumentu 837.
Postu Vemasse valida ona 1.047 no sei hela 140 hosi tótal 1.187, Venilale totál rejista 1.216 validasaun ona 1.910 no seidauk 216 no postu Baucau vila hamutuk 4.033, valida ona 3.002 no seidauk valida hamutuk 1.031
Jornalista : Natalino Belo
Editór : Evaristo Soares Martins
