DILI, 01 setembru 2023 (TATOLI)—Conselho de Imprnesa (CI), sesta ne’e, realiza konferénsia Internasionál The Diologue Forum (DDF) 2023 ho tema “Promove no haforsa liberdade imprensa iha Timor-Leste no Sudeste Aziátiku Nu’udar Empurradór ba Tipu Diretu Umanu Hotu” iha salaun CNE, Dili.
Notísia Relevante: DDF 2022: CI konvida oradór fahe esperiénsia hasa’e liberdade imprensa-espresaun
Prezidente Konsellu Imprensa (CI-sigla Portugés), Otélio Ote, hateten The Dili Dialogue Forum 2023 sei promove liberdade imprensa no liberdade esptresaun iha Timor-Leste no Sudeste Aziátiku hodi kontribui sai empuradór ba direitu umanu.
“The Dili Dialogue Forum fó espasu ba debate kona- ba pozisaun no kondisaun papél CI iha Sudeste Aziátiku inklui Myanmar no Pasífiku hodi kontribui sai empuradór ba direitu umanu. The Dili Dialogue Forum fó espasu ba sosiedade sira iha liberdade espresaun no liberdade imprensa no fó espasu ba profisaun jornalista ne’ebé nakonu ho étika,” Prezidente Conselho de Imprensa (CI), Otélio Ote, hateten.
Sekretáriu Estadu Komunikasaun Sosiál (SEKOMS), Expedito Dias Ximenes, felisita Konsellu Imprensa tanba organiza dala ida tan ba eventu the Dili dialogue forum, ne’ebé realiza kada tinan hanesan forum diskusaun iha ASEAN nia-laran.
“Tanba hili tema ne’ebé di’ak, iha sosiedade hotu tenke sai prioridade. Timor-Leste dezde independénsia to’o agora assume nafatin akordu internasionál hotu-hotu ne’ebé jere direitu umanu. Tanba Timor-Leste inisiu ho di’ak oinsá hola situasaun ida-ne’ebé ho violasaun hosi direitu Umanu sira nian,” nia dehan.
Maske Timor-Leste seidauk hola parte iha ASEAN maibé dezde tinan 2017 to’o agora CI sempre iha preokupasaun atu envolve nasaun dezenvolvidu ba entidade seluk responsável ba regulasaun mídia iha ASEAN.
Nia hateten, liberdade imprensa ne’ebé hakarak haklean hodi serbí sosiadade no mós liberdade imprensa bele promove direitu umanu hotu.
Tanba ne’e, SEKOMS kontinua tau-matan nafatin atu órgaun regulador ida-ne’e bele garantia kondisaun hotu-hotu hodi halo atividade ho di’ak, no garantia liberdade espresaun no presiza garantia violasaun ho di’ak ho efetivu hodi próteze ameasa balun no garantia direitu sira.
The Dili Dialogue Forum deklaradu hosi membru CI iha nasaun sira iha sudeste Aziátiku no Pasífiku, durante konferénsia internasionál iha Dili bainhira selebra aniversáriu Konsellu Imprensa dahuluk iha 07-10 maiu 2017, no the Dili Dialogue Forum sai hanesan atividade anuál ba CI hodi sai forum ida-ne’ebé ema bele diskute kona-ba liberdade imprensa no mós liberdade espresaun doméstiku no rejionál.
Tuir dadus ne’ebé Kl rejistu iha jornál hamutuk hitu (7), rádio iha 29 inklui radio komunidade sira, televizaun iha lima (5). No jornalista ne’ebé hetan kartaun professional ativu hamutuk 321.
CI nu’udar órgaun reguladór iha planu estratéjia tinan 2021-2026 hatuur iha kompromisu balun atu kontinua tau-matan no kapasidade tékniku professional intelektuál. Jornalista sira atu servisu hamutuk ho parseiru dezenvolvimentu tantu Nasionál no Internasionál sira mak hanesan, UNESCO, UNDP no ABC Internasionál development.
Jornalista : Osória Marques
Editór : Cancio Ximenes