BAUCAU, 04 agostu 2023 (TATOLI) – Konsellu Munisipál Kombatente Libertasaun Nasionál (CMCLN, sigla portugés) konsidera rezultadu konsulta populár sai loron importante atu hotu-hotu hamutuk halo relresaun ba fururu.
Sekretáriu Konsellu Munisipál Kombantente Libertasaun Nasionál (CMCLN, sigla portugés) , Manuel ‘Alari’ da Costa Soares, esplika, liuhosi rezultadu konsulta populár maioria Timor oan iha sentimentu kahur entre kontenti no buka dalan salva aan hosi ameasa kilat nia lian hosi grupu milísia pro autonomia.
“Loron-4 setembru sai reflesaun ba ita atu hateke ba kotuk nune’e hodi projeta ba futuru bazeia ba terus ne’ebé povu senti durante tinan-24,” Sekretáriu CMCLN Baucau informa ba Agência TATOLI iha Vila Antiga, segunda ne’e.
CMCLN iha pontu tolu reflesaun tolu atu lider nasionál inklui kamada sosial hotu atu hanoin hamutuk atu hadia hanesan presija iha konsensu unidade nasionál hodi halo amandamentu ba Konstitusaun Repúblika Demokrátika Timor-Leste (KRDTL) liuhosi Parlamentu Nasionál tuir dalan lolos.
Alende ne’e, veteranu hotu tenki unidade labele fahe malu ba interese partidaria no presija unidu hamutuk hodi kontribui ba paz estabilidade hodi iha investementu seluk hodi subtitui fundu minarai iha futuru liulliu hadia moris ba povu tuir objetivu ukun rasik aan.
“Asuntu nasionál ita tenke hamutuk fo liman ba malu atu hadi’a nasaun, se lae objetivu liberta povu sei hasoru lakunas,” Alari akresenta.
Alari konta tuir hafoin rona tiha rezultadu katak maioria Timor oan aseita referendum iha loron-4 setembru 1999 sidade Baucau mosu pertubasaun hosi grupu milisia nune’e maioria populasaun tenki hasees aan ba fatin seguru mesmu kontenti maibé kahur ho ta’uk.
Alari husu atu espiritu aten brani tenki kuda nafatin ida kada sidadaun nia fuan nune’e bele atinji vitoria ba liberdade povu hosi kiak no mukit.
Rezultadu konsulta populár iha loron-30 agostus fo sai maioria Timor oan hili referendum ho total rihun 344.50 pursentu 78.50 no rihun 94.388 pursentu 21.50 hili autonomia ba Indonézia.
Jornalista : Natalino Belo
Editór : Evaristo Saores Martins
