iklan

ERMERA

Munisípiu Ermera ajusta OJE 2024 millaun $20

Munisípiu Ermera ajusta OJE 2024 millaun $20

Osan Dolar Amérika. Imajen/Espesiál

ERMERA, 05 setembru 2023 (TATOLI)—Prezidente Autoridade Munisípiu Ermera (AME), Eusébio Salsinha, hateten ba Orsamentu Jerál Estadu 2024 ne’e, munisípiu Ermera ajusta millaun $20 hodi foka ba setór hotu-hotu.

“Ami Ermera foin halo ajustamentu ba orsamentu ho montante millaun $20 no agora mak ami atu halo aprovasaun liuhosi Konsellu Koordenasaun Munisipál, nune’e submete ba Komité Revizaun Orsamentu konkorda mak ita sei halo buat barak,” nia hateten ba Agência Tatoli iha salaun Sekretariadu Tékniku Administrasaun Eleitorál (STAE) munisípiu Ermera, tersa ne’e.

Hosi orsamentu ne’e, nia hateten, Prezidente Autoridade Munisípiu Ermera (PAME) hateten, sei foka ba setór hotu-hotu ba dezenvolvimentu iha munisípiu Ermera nian mak hadi’a suku sira, kapela abandonadu, tau ba estrada rurál sira, agrikultura, edukasaun, saúde nian inklui ba fasilidade asesibilidade ba ema ho defisiénsia sira inklui mós ba programa merenda eskolár iha eskola primária sira iha Ermera.

Prezidente Autoridade Munisípiu Ermera, Eusébio Salsinha, hateten merenda eskolár Ermera tau nafatin millaun $20 hodi atende ba estudante iha eskola primária 100-resin.

“Tinan kotuk osan alokadu ba merenda eskolár miliaun rua no ita nafatin mantein hodi responde ba eskola primária 100-resin. Ida-ne’e sufisiente ona,” nia hateten.

Jornalista : Osória Marques

Editór       : Cancio Ximenes

iklan
iklan

Leave a Reply

iklan
error: Content is protected !!