iklan

COVALIMA, ELEISAUN, POLÍTIKA

STAE Covalima hahú halo resensiamentu eleitorál ba eleisaun suku

STAE Covalima hahú halo resensiamentu eleitorál ba eleisaun suku

Diretór STAE Covalima, Francisco Gusmão. Imajen TATOLI/Celestina Teles

COVALIMA, 08 setembru 2023 (TATOLI)-Diretór Sekretáriu Tékniku Administrasaun Eleitorál (STAE) Covalima, Francisco Gusmão, relata katak daudaun ne’e, destaka ona servisu tékniku resensiamentu eleitorál apoiu baze dadús bá postu administrativu hitu hodi halo resensiamentu eleitorál ba preparasaun eleisaun suku ne’ebé tuir kalendáriu sei hala’o iha fulan-outubru 2023.

Servisu tékniku sira loron iha 4 fulan-setembru ne’e hahú hala’o ona prosesu resensiamentu eleitorál iha postu administrativu Fatululic, Fatumea, Fohorem, Maucatar, Suai, Tilomar no Zumalai ne’ebé kobre suku 30 no aldeia 148.

“STAE dezloka tékniku na’in-rua hanesan  operadór no  asistente sira hamutuk nain 14 ne’ebé kada postu administrativu tékniku nain-rua,” Diretór Sekretáriu Tékniku Administrasaun Eleitorál (STAE) Covalima, Francisco Gusmão,  informa ba Agência tatoli, iha ninia servisu fatin, kampung-Baru, sesta ne’e.

Entretantu, prosesu resensiamentu eleitorál ne’e sei termina iha semana da-ruak fulan-setembru 2023.

Jornalista: Celestina Teles

Editór: Agapito dos Santos

iklan
iklan

Leave a Reply

iklan
error: Content is protected !!