OÉ-CUSSE 12 setembru 2023 (TATOLI – Prezidente Autoridade Rejiaun Administrativa Espesiál Espesiál Oé-Cusse Ambeno (RAEOA), Arsénio Paixão Bano, klarifika, daudaun ne’e foti hela lisensa anuál durante loron 10, hahú 06 to’o 14 setembru 2023 hodi haree família iha Austrália.
Nune’e, Arsénio Paixão Bano, uza direitu loron hitu ne’e halo vizita ba-nia família sira iha nasaun Austrália, tanba sei tama fali servisu iha loron 14 setembru 2023 ne’e.
“Ema balun dehan ha’u halai, ha’u halai atu ba ne’ebé, ha’u ema Oé-Cusse, ha’u mós sidadaun timoroan, ne’ebé halai ba ne’ebé, ha’u hanoin informasaun sira-ne’ebé espalla iha públiku ne’e laloos,” Arsénio Paixão Bano ba Tatoli liuhosi wathshaap, segunda ne’e.
“Ha’u agora ferias hela, Primeiru Ministru aprova ona ba loron 10, hahú iha 06, ha’u sei tama fali iha 14 setembru, durante ne’e ema barak kestiona katak, ha’u halai hosi Oé-Cusse, maibé informasaun sira-ne’e sidadaun balu maka tenta manipula.
“Ferias ne’e direitu ha’u-nian, tán ne’e ha’u mós tenke ba haree ha’u-nia família, ho oan sira iha Austrália, tanba ha’u sei tama fali servisu iha 14 setembru ne’e,” nia klarifika.
Nia informa, antes ne’e iha loron 31 agostu, Gabinete Prezidente Autoridade hato’o pedidu autorizasaun ba Gabinete Primeiru Ministru, ho númeru referénsia 262/GPM/IX/2023.
Iha loron 01 setembru despaxu sai hosi Gabinete Primeiru Ministru ho nú referénsia 107/RAEOA, atubele ferias durante loron hitu (7), hahú husi loron 06 to’o 14 setembru 2023 ne’e.
Jornalista : Abílio Elo Nini
Editór : Evaristo Soares Martins
