Administradór postu submete ona relatóriu ezekusaun orsamentu PMOPA ba SMF
COVALIMA, 14 setembru 2023 (TATOLI)–Sekretáriu Administradór Munisípiu Covalima, Francisco de Jesus Alves, hateten administradór postu administrativu hitu (7) submete ona relatóriu ezekusaun orsamentu Programa Mão de Obra Postu Administrativu (PMOPA) ba Servisu Munisipál Finansa (SMF).
“Implementasaun programa Mão de Obra Postu Administrativu (PMOPA) faze dahuluk no daruak nian ne’e finaliza ona, no agora administradór sira submete ona relatóriu ezekusaun orsamentu ba Servisu Munisipál Finansa,” Francisco de Jesus Alves hateten ba Agência Tatoli iha nia kna’ar fatin fatin, Sukaer Laran, kinta-ne’e.
Munisípiu Covalima ho nia postu administrative sira hanesan postu administrativu Fatululik, Fatumea, Fohorem, Fatumea, Tilomar, Maucatar, Zumalai no postu administrativu Suai ho nia suku hamutuk 30 no iha aldeia 148.
Implementasaun PMOPA iha covalima prióridade ba programa sira hanesan postu administrativu balun fó prióridade ba halo reflorestasaun, limpeza, hadi’a estrada tanba servisu ne’ebé mak uza ema-nia forsa la uza mákina pezadu sira depende ida-idak nia planu.
Implementasaun PMOPA kada postu administrativu aloka orsamentu rihun 100 ho nia ezekusaun ba faze dahuluk ezekuta 50% no ba faze daruak nia ezekusaun 50%.
Jornalista : Celestina Teles
Editór : Cancio Ximenes
