iklan

ERMERA, HEADLINE, MUNISÍPIU, POLÍTIKA

Xanana nia domin bo’ot tebes

Xanana nia domin bo’ot tebes

Misa enseramentu ba Kruz Joven Letefoho. Imajen Tatoli/ Hortencio

ERMERA, 14 setembru 2023 (TATOLI) – “Joven Ermera oan sira, maske ohin ha’u la mai hamutuk ho imi, la’os tanba ha’u la gosta imi, maibé tanba servisu balun ne’ebé ha’u sei halo ba imi no povu Timor-Leste tomak, fiar ba katak ha’u-nia fuan no domin sempre ho imi”, mensajen lider karismátiku atuál Primeiru-Ministru, Xanana Gusmão ne’ebé haktuir hosi Ministru Juventude Arte no Kultura, Nélio Isaac Sarmento iha misa enseramentu Parókia Letefoho, kinta ne’e.

Xanana la marka prezensa iha misa enseramentu ba vizita Kruz Joven iha Postu Administrativu Letefoho, Munisípiu Ermera hodi entrega hirak ba Parókia Postu Administrativu Laleia, Munisípiu Manatutu tanba okupadu maibé iha mensajen ida forte tebes katak “Ermera iha nia fuan no hadomi sarani Ermera la iha fronteira”

Iha mensajen ne’e, nia husu ba joven no sarani Ermera hotu atu utiliza didiak oportunidade atu aprende koñese malu, troka hanoin ba malu atu aumenta koñesimentu hodi muda aan sai joven ida ho hanoin krítiku hodi toma responsabilidade ba dezenvolvimentu nasaun ne’e nian.

“Imi tenke sai joven ida ne’ebé hadomi rai no povu ida ne’e, atu loron ida imi bele sente katak saida mak imi halo ba rai ida ne’e tanba mai hosi sofrimentu ne’ebé ita-nia beiala sira simu iha tempu difisíl, sira depozita hela konfiansa ba imi atu kontinua hakas aan ba bem-estar povu nian, obrigadu no Maromak hamutuk ho imi”, mensajen ikus.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!