iklan

JUSTISA, HEADLINE

Planu estabelesimentu Prizaun Weberek la tama iha programa Governu

Planu estabelesimentu Prizaun Weberek la tama iha programa Governu

Ministru Justisa, Amândio de Sá Benevides. Imajen Tatoli/Francisco Sony.

DILI, 15 setembru 2023 (TATOLI) – Ministru Justisa  (MJ) Amândo de Sá Benevides, hateten IX Governu sei la kontinua programa Governu anteriór ne’ebé sei konstrui prizaun bo’ot iha Weberek, Munisipiu Manufahi tanba la deskreve iha programa Governu.

“Programa ida-ne’e la tama iha programa Governu nian. Ita atu dezenvolve saida, Ita sei haree”, Amândo de Sá Benevides hateten ba jornalista sira iha Palásiu Governu, sesta ne’e.

Rekorda katak VIII Konstitusionál iha Ministru Justisa Tiago Amaral Sarmento, dehan  Governu prevé iha planu asaun anuál Orsamentu Jerál Estadu 2023 sei kontrui prizaun bo’ot iha área Weberek Postu Administrativu Alas, Munisípiu Manufahi.

Governu identifika rai etare 100 iha fatin refere no rai ne’e rasik oferese hosi komunidade iha Weberek ho gratuitu.

Governu anteriór prevé osan hodi konstrui prizaun bo’ot ho montante Millaun $200 no dezeñu ona Bill of Quantity (BoQ) ba prizaun ne’e prontu ona.

Jornalista: Natalino Costa

Editór : Zezito Silva

iklan
iklan

Leave a Reply

iklan
error: Content is protected !!