EKONOMIA, DILI, HEADLINE

FONGTIL introdúz servisu auditoria sosiál ba Assanami

FONGTIL introdúz servisu auditoria sosiál ba Assanami

Logotipu FONGTIL

DILI, 15 setembru 2023 (TATOLI) – Diretór Ezekutivu Forum Organizasaun Naun Governamentál Timor-Leste (FONGTIL) Valentin da Costa Pinto hamutuk ho ekipa hasoru malu ho Vise-Primeiru-Ministru no Ministru Dezenvolvimentu Rurál no Abitasaun Komunitaria Mariano Assanami Sabino hodi introdúz kona-ba servisu auditoria sosiál.

“Ami mai esplika oituan kona-ba servisu ne’ebé ami halo desde 2015 nia relasaun kona-ba auditoria sosiál tanba sira foin mak hahú ho sira nia knaar ami hanoin katak presiza servisu hamutuk duni ho ami sosiedade sivíl no Governu”, Valentin dehan ba jornalista-sira iha Palásiu Governu, sesta ne’e.

Maske nivél Governu iha ona Provedoria Diretu Umanu Justisa (PDHJ-sigla portugés), Komisaun Anti Korupsaun (KAK) maibé sosiedade sivíl mós iha papel importante atu halo auditoria sosiál ba servisu Governu nian.

“Vise-Primeiru Ministru kontente los hakarak haforsa servisu hamutuk entre sosiedade sivíl ho Governu tanba sira konsidera hanesan parseiru estratéjiku ida atu haree ba servisu sira iha nivél baze atu Governu bele tau atensaun”, nia relata.

Auditoria sosiál ne’ebé FONGTIL halo iha setór haat mak agrikultura, edukasaun, saúde no infrastrutura bázika.

“Ami fahe mós ba Vise-PM kona-ba infrastrutura bázika ne’ebé ita hasoru iha terenu no Vise-PM mós fahe mai ami kona-ba ministériu ida toma konta ba abitasaun nian ne’ebé foin hahú iha Governu ida agora ne’e, ne’ebé ami sente di’ak los bele fasilita di’ak liután planu sira iha terenu”, nia hateten.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!