EKONOMIA, DILI, HEADLINE

Prezidente Repúbika fó posse ba Vise-Ministra Finansa

Prezidente Repúbika fó posse ba Vise-Ministra Finansa

Prezidente Repúblika, José Ramos-Horta, fó posse ba Vise-Ministra Finasas foun, Felícia Claudinanda Cruz Carvalho. Iha Palásiu Prezidensiál, Bairru-Pité, sexta (15/09). Imajen Tatoli/Egas Cristóvão

DILI, 15 setembru 2023 (TATOLI) – Prezidente Repúblika José Ramos fó posse ba­ Vise­-Ministra Finansa, Felícia Claudinanda Cruz, ohin, iha Palásiu Prezidensiál.

Felícia komppromete sei hala’o kna’ar hotu ho responsabilidade tanba Primeiru-Ministru, Xanana Gusmão fó ona konfiansa.
“Onra boot ida mai ha’u hodi asume kargu hanesan Vise-Ministra Finansas, apresia tebes ba Prezidente Repúblika no Primeiru-Ministru tanba bele fó ona konfiansa mai ha’u, ha’u promete sei halo servisu hamutuk ho ekipa Ministériu Finansa hotu hodi halo servisu ne’ebé di’ak ba povu ida ne’e”, Felícia dehan ba jornalista-sira iha Palásiu Prezidensiál.

Prezidente Repúblika fó posse ba Felícia Carvalho hodi asume kargu Vise-Ministra Finansa hodi troka Helder Lopes ne’ebé asume ona kna’ar foun hanesan Governadór Banku Sentrál Timor-Leste (BCTL-sigla portugés).

Posse ne’e, bazeia ba Dekretu Prezidente Repúblika Nú. 88/2023 ne’ebé públika iha loron 12 setembru 2023.

Esperiénsia badak Felícia nian durante ne’e

Iha tinan 2007-2012, Felícia Claudinanda Cruz Carvalho hala’o kna’ar nu’udár asesora iha Gabinete Ministra Finansa Emilia Pires no tinan 2017, Felícia Carvalho servisu nu’udár Xefe Unidade Jestaun Parseiru Dezenvolvimentu iha Ministériu Planu Finansa.

Felícia Carvalho durante ne’e iha Ministériu Finansa iha tempu sira liubá hateten, Felícia Carvalho iha esperiénsia no koñesimentu di’ak tebes iha planu finansa no péritu iha área planu, jestaun no analiza ekonomia mikro no ekonomia makro.

Jornalista: Hortencio Sanchez

Editór : Zezito Silva

iklan
iklan

Leave a Reply

iklan
error: Content is protected !!