INTERNASIONÁL, DILI, HEADLINE

Horta hasoru Tony Blair iha Nova-Iorke diskute kooperasaun servisu

Horta hasoru Tony Blair iha Nova-Iorke diskute kooperasaun servisu

Prezidente Repúblika, José Ramos Horta hasoru malu ho Eis Primeiru-Ministru EUA, Tony Blair, iha Otél Grand Hyatt, iha Nova Iorke, domingu (17/09). Imajen/Mídia PR

DILI, 18 setembru 2023 (TATOLI)-Prezidente Repúblika, José Ramos Horta, dominggu ne’e, hasoru malu ho Eis Primeiru-Ministru Reuni Unidu, Tony Blair, iha Otél Grand Hyatt Nova-Iorke, hodi diskute kona-ba kooperasaun servisu entre Institutu Tony Blair ho Timor-Leste.

“Ha’u hasoru malu ho eis Primeiru-Ministru Tony Blair tanba ha’u kontaktu ho nia kle’ur ona, tanba Institutu Tony Blair sira servisu iha nasaun 30-resin hodi haree oinsá apoiu Governasaun no Prezidente Repúblika nian atu servisu di’ak liu,” dehan Xefe Estadu liu hosi komunikadu imprensa ne’ebé maka Agência TATOLI asesu, segunda ne’e.

Durante hasoru malu, Horta ho Tony Blair troka ideas kona-ba polítika saida maka Timor-Leste bele halo ho ninia nivel internasionál nune’e bele foti imajen Timor-Leste nian iha mundu internasionál.

Prezidente Repúblika ne’e, hateten antes ne’e, enkontru  ho Tony Blair akontese beibeik ona, tanba ne’e,  iha tempu besik Institutu Tony Blair sei haruka ninia membru na’in rua ka tolu atu mai vizita Timor-Leste hodi hala’o servisu iha Palásiu Prezidendsiál Bairru-Pité Dili.

“Ema sira atu mai destaka halo servisu iha Palásiu Prezidensiál ne’e gratuita, Timor-Leste sei la selu, servisu importante ne’ebé sira sei halo mak polítika no reforma ekonómika iha rai barak sira halo servisu nune’e,” dehan Horta.

Tuir oráriu Prezidente Repúblika  sei hala’o enkontru ho Sekretariu Jerál Nasaun Unida (ONU) António Guterres iha Nova-Iorke, antes iha 21 fulan-setembru  2023 Xefe Estadu ho delegasaun sei partisipa asembleia jerál Organizasaun Nasaun Unida (ONU) ba dala-77.

 Jornalista: Hortencio Sanchez

Editór   : Agapito dos Santos

iklan
iklan

Leave a Reply

iklan
error: Content is protected !!