iklan

COVALIMA, POLÍTIKA

STAE Covalima rejista eleitór foun 167 iha setembru

STAE Covalima rejista eleitór foun 167 iha setembru

Diretór STAE Covalima, Francisco Gusmão. Imajen Tatoli/Celestina Teles.

COVALIMA, 19 setembru 2023 (TATOLI)–Diretór Sekretariadu Tékniku Administrasaun Eleitorál (STAE) Covalima, Francisco Gusmão, hateten STAE Covalima hahú iha 04 setembru halo atendimentu Resensiamentu Eleitorál Apoiu Baze Dadus (REABD) ne’ebé rejista eleitór foun iha postu administrativu hitu hamutuk 167.

“STAE Covalima destaka operadór no asistente ba postu administrativu hitu hodi halo atendimentu Resensiamentu Eleitorál Apoiu Baze Dadus (REABD) hodi rejista eleitór foun sira,” Francisco Gusmão hateten ba Agência Tatoli iha nia kna’ar fatin, Kampung Baru, tersa ne’e.

Tuir dadus ne’ebé STAE Covalima rejista hodi halo atendimentu REABD iha sesta (08 setembru) ne’e, eleitór foun hamutuk ema 51 ne’ebé kompostu hosi mane hamutuk 30 no feto na’in-21, ho eleitór atualizadu hamutuk 71 ne’ebé kompostu hosi mane 43 no feto 28.

Iha sesta (15 setembru) ne’e, STAE Covalima rejista eleitór foun hamutuk 116 ne’ebé kompostu hosi mane na’in-62 no feto na’in-54 ho eleitór atualizadu hamutuk 116 ne’ebé kompostu hosi mane hamutuk ema 69 no feto na’in-47.

Tuir nia, operadór no asistente ne’ebé STAE destaka ba postu administrativu sira-ne’e, sira asina kontratu iha sesta (01 setembru) ne’ebé sira-nia kontratu sei ramata iha 15 dezembru tinan ne’e.

STAE Covalima halo rekrutamentu ba operadór no asistente hamutuk na’in-14 ne’ebé kada postu administrativu sei destaka operadór na’in-ida (1) ho asistente na’in-ida (1), hodi prepara ba eleisaun suku ne’ebé sei akontese iha outubru.

Entertantu, munisípiu Covalima iha nia postu administrativu sira hanesan Fatululik, Fatumea, Maucatar, Fohorem, Tilomar, Suai no Zumalai, ho suku hamutuk 30 no aldeia hamutuyk 148.

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!