Xefe Estadu levanta kestaun krize hamlaha iha Nova Iorke
DILI, 20 setembru 2023 (TATOLI) – Prezidente Repúblika, José Ramos Horta, partisipa iha dezafiu globál ba inovasaun Citigroup nian kona-ba Seguransa Ai-han, hodi hato’o intervensaun ida kona-ba “Investimentu iha Seguransa Ai-han, solusaun inovativu sira atu rezolve krize hamlaha”.
Atividade ne’e hala’o iha sede Citigroup nian iha Nova Iorke.
“Eventu ida-ne’e hala’o iha programa ofisiál Asembleia Jerál Nasaun Unidas nian ba da-78. Background ba Dezafiu Global ba Inovasaun Seguransa Ai-han Fundasaun Citi lansa ona ninia dezafiu inovasaun globál dahuluk iha fulan-fevereiru 2023 hodi identifika no fó apoiu filantrópiku ba organizasaun naun-governamentál sira ne’ebé dezenvolve solusaun inovativu ba dezafiu sosiál no ekonómiku sira ne’ebé komunidade ho rendimentu ki’ik sira hasoru”, tenik iha komunikadu ne’ebé Agência TATOLI asesu hosi media GPR, ohin.
Dezafiu sira-ne’e administra liuhosi pedidu globál ba proposta ba kritériu elijibilidade espesífiku mak primeiru dezafiu inovasaun globál sira-ne’e mak sentru seguransa ai-han nian, kestaun ida-ne’ebé importante tebes ba komunidade sira iha Citi nian ain-fatin globál.
Hasoru inseguransa ai-han ho objetivu atu hametin saúde finanseira família sira-nian, ne’ebé aliña diretamente ho misaun Fundasaun Citi nian hodi halo katalizasaun ba oportunidade ekonómika iha komunidade sira ne’ebé hetan subservasaun no marjinalizasaun iha mundu tomak.
Iha tinan hirak foin lalais ne’e, inseguransa ai-han sai hanesan dezafiu ida-ne’ebé aumenta, ne’ebé afeta komunidade sira ho rendimentu ki’ik no marjinalizadu iha mundu tomak.
Objetivu daruak ba Dezenvolvimentu Sustentavel (ODS2) ne’ebé Nasaun Unidas estabelese iha tinan 2015 mak atu “hakotu hamlaha, atinje seguransa ai-han no hadi’a nutrisaun no promove agrikultura sustentavel” iha mundu tomak iha tinan 2030.
Maske nune’e, konflitu globál, mudansa klimátika, pandemia COVID-19 no resesaun ekonómika neineik-neineik la’o ba oin hodi alkansa ODS2 iha tinan hirak foin lalais ne’e.
Krize ai-han ne’ebé boot no nesesidade komunidade sira iha mundu tomak presiza setór públiku, privadu, síviku no filantropiku atu kolabora iha dalan foun no harii momentum atu efeitu mudansa signifikativu ne’ebé lalais liu duke uluk.
Inisiativa foun ida-ne’e nu’udar dalan ida husi dalan oioin ne’ebé Citi no Fundasaun Citi servisu daudaun atu uza rekursu sira nu’udar instituisaun finanseira globál ida atu kombate hamlaha no inseguransa ai-han no hakarak atu suporta ONG sira ho ideia inovativu no bazeia ba evidénsia ne’ebé bele muda ai-knanoik ne’e ba krize ida-ne’ebé la iha ona.
Jornalista: Hortencio Sanchez
Editór : Zezito Silva
