Autoridade rekomenda CCI halo intervensaun folin foos sa’e iha Covalima
COVALIMA, 21 setembru 2023 (TATOLI)–Administradór munisípiu Covalima, Francisco de Andrade, rekomenda ba Kámara Komérsiu Indústria (CCI, sigla portugés) Covalima hato’o proposta ba Sentru Lojistika Nasionál (CLN) atu halo intervensaun ba folin foos sa’e iha munisípiu Covalima.
“Folin foos sa’e iha merkadu, ha’u tenta dala barak halo ona no hato’ rekomendasaun ba Camara Komérsiu Indústria (CCI) Covalima atu halo intervensaun folin foos sa’e iha merkadu. Maibé CCI nia proposta haruka ona ba Aentru Lojistika Nasionál (CLN), maibé to’o ohin loron CLN seidauk fo despaixu atu halo intervensaun folin foos, tanba Ministru sei halo ajustamentu,” Francisco de Andrade hateten ba jornalista-sira iha nia kan’ar fatin, Sukaer Laran, kinta ne’e.
Hafoin hato’o rekomendasaun bainhira mak atu halo intervensaun ba folin foos sa’e iha munisípiu Covalima, hanesan autoridade hein de’it tanba folin foos sa’e la’ós iha Covalima de’it maibé iha Dili mós folin foos sa’e.
“Ita hein de’it bainhira mak sira atu halo intervensaun iha merkadu. Ha’u hatene folin foos sa’e la’ós iha Suai de’it, maibé iha Dili mós sa’e kuaze iha territóriu nasionál folin foos sa’e,” nia ehan.
Foin lalais, administradór munisípiu Covalima hala´o vizita postu administrativu Fatululik ne’e foos ho kilograma 25 ho folin antes ne’e $13.00 ka $14.00 sa’e ona ba $21.00 tanba iha kapitál munisípiu folin foos iha kada saku ida-ne’e $18.00 to’o $19.00
Antes ne’e, iha 20 fulan-setembru, komunidade mós hato’o preokupasaun ho folin foos sa’e makaas, tanba folin foos antes ne’e kilograma 25 ho folin $15.00 sa’e ona ba $18,50, foos ho kilograma 20 ho folin $12.00 sa’e ona ba $15.0, iha merkadu Debos iha postu administrativu Suai, munisípiu Covalima.
Jornalista : Celestina Teles
Editór : Cancio Ximenes
