iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

PA RAEOA konvida Primeiru Ministru hatuur fatuk dahuluk ba postu integradu Oésilo

PA RAEOA konvida Primeiru Ministru hatuur fatuk dahuluk ba postu integradu Oésilo

Presidente Autoridade RAEOA enkontru ho Ministru Prezidénsia Konsellu Ministru, Agio Pereira hodi husu Primeiru Ministru, Kay Rala Xanana Gusmão vizita Oe-Cusse. Imajen mídia ZEESM.

OÉ-CUSSE, 22 setembru 2023 (TATOLI) – Prezidente Autoridade Rejiaun Administrativa Espesiál Oé-Cusse (RAEOA), kinta ne’e, hala’o enkontru ho Ministru Prezidénsia Konsellu Ministru, Agio Pereira, hodi husu Primeiru Ministru, Kay Rala Xanana Gusmão atu hatuur fatuk dahuluk ba projetu postu integradu Oé-Cusse iha inísiu outubru 2023 ne’e.

“Ohin ba iha Dili, ha’u husu Primeiru Ministru iha tempu karik atu mai Oé-Cusse, atu halo lansamentu ba postu integradu Oésilo, ne’e ita halo iha inísiu outubru 2023 ne’e, Ministru Gastão Sousa, aseita ona, depois fila hosi Xina, agora delegasaun Primeiru Ministru iha Xina, sei fila bele mai ita halo lansamentu ba postu Oésilo,” Arsénio Bano ko’alia iha Nítibe.

“Ha’u mós ohin ba hasoru primeiru-ministru ein-ezersisíu, Agio Pereira IX Governu nian, atu hato’o mós informasaun atualiza Oé-Cusse nia servisu sira durante ne’e la’o oinsá, projetu boot rua ha’u hato’o ba nia (Agio Pereira), primeiru estrada nasionál pakote I hosi ponte Noefefan mai to’o Oénunu, suku Suni-Ufe, Nítibe no estrada nasionál hosi Tono ba Oésilo,” nia katak.

Estrada nasionál ba Nítibe foin mak to’o Oénunu, kuandu ha’u fila hosi Díli, ami iha enkontru ida ho membru autoridade sira, atu haree tinan oin ita atu halo saida, tinan oin estrada mai to’o Citrana.

“Ne’e ita hatama iha Planu Asaun Anuál 2024 nian, ne’ebé agora ita to’o ona Oénunu, ponte Oénunu mós ita halo, ne’ebé ita halo ona planu bele orsamenta ba 2024, estrada nasionál ne’e bele kontinua tán mai to’o Citrana,” nia informa.

“Ha’u mós ohin mensiona katak, iha ponte amizade (jembatan perdamaian) entre Indonézia ho Timor-Leste atu halo iha iha fronteira Naktuka, ne’e signifika katak, Oé-Cusse kontinua ba oin nafatin,” nia katak.

Notísia relevante: RAEOA aloka rihun $510-resin harii postu integradu Oésilo

Tuir nia, estrada nasionál hosi ponte Noefefan ba to’o Citrana, ne’e área importante ba RAEOA ba futuru bele hatama osan ba kofre Estadu.

Entretantu, projetu postu integradu ne’e, ezekuta hosi kompañia Lifau Indah Unispesoál Lda, ho valór kontratu $510,516.73, Autoridade RAEOA aloka hosi Orsamentu Jerál Estadu (OJE) 2023 hodi kontrui postu integradu fronteira Oésilo no kompleta ho rezidénsia ba pesoál alfaádega.

Notísia relevante: PR agradese komunidade tanba kontribui iha projetu estrada nasionál ba Nítibe

Jorbalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!