OJE 2023: SMJMT Covalima ezekuta atinje ona 72% iha trimestre datoluk
COVALIMA, 25 setembru 2023 (TATOLI)–Diretór Servisu Munisipál Jestaun Merkadu no Turízmu (SMJMT), Vitorino do Carmo, hateten ezekusaun Orsamentu Jerál Estadu 2023 ba trimestre datoluk ne’e atinje ona 72%.
“Orsamentu Jerál Estadu (OJE) tinan 2023 aloka ba Servisu Munisipál Jestasaun Merkadu Turízmu hamutuk $57.620,00, ne’ebé ezekusaun tama ona iha trimestre datoluk,” Vitorino do Carmo hateten ba Agência Tatoli, iha nia kna’ar fatin, Bairru Costa, segunda ne’e.
Hosi orsamentu $57.620,00 ne’e, SMJMT hala’o atividade sira hanesan identifikasaun fatin turízmu, sensibilizasaun kona-ba turízmu iha postu administrative hitu hala’o jestaun ba merkadu, enkontru ho vendedór sira, organiza komunidade iha merkadu no loke feira nune’e gasta ona orsamentu $44.351,00.
Orsamentu tinan 2023 ba SMJMT ne’e aloka ba saláriu vensimentu no bens servisu ne’ebé nia ezekusaun atinje ona 72% ho montante orsamentu $41,68, nune’e falta 28% mak seidauk ezekuta ho nia orsamentu hamutuk $15.932,00.
Jornalista : Celestina Teles
Editór : Cancio Ximenes
