DILI, 25 setembru 2023 (TATOLI) – Diretór Servisu Autónomu Medikamentu Ekipamentu Saúde (SAMES) Santana Martins sei entrega servisu ba Diretór Ezekutivu Instituto Nasionál Farmasia no Produtu Médiku (INFPM) Brigido Simão Dias Iha 27 setembru.
“Ami sei entrega servisu ida ne’e ba Diretór Ezekutivu Instituto Nasionál Farmasia no Produtu Médiku (INFPM) Iha loron 27 setembru liuhosi tomada de posse ne’ebé MS sei halo ho estrututa foun hodi lidera fali servisu ida ne’e ho objetivu asegura aimoruk no produtu medikamentu sira”, Santana Martins informa iha nia kna’ar fatin Campo Alor, ohin.
Nia husu ba diretór foun atu asegura nafatin estoke aimoruk sira, bens konsumaveis médiku no reajente sira iha tempu sira tuir mai ho kompromisu ne’ebé Governu hasai.
Nota imprensa ne’ebé TATOLI asesu iha Jornál Repúblika, Ministra Saúde ezonera Diretór Ezekutivu, Santana Martins no nomea Brigido Simão Dias, nu’udar Diretór Ezekutivu ba Insitutu Nasionál Farmasia, Pordutu no medikamentu.
Brigido Simão Dias sei asume kargu nu’udar Diretór Ezekutivu ba Insitutu Nasionál Farmasia, Produtu no medikamentu durante tinan lima.
Ezonerasaun ne’e ho baze alinea P4, númeru 1 artigu10, entre dekretu-lei númeru 57/2023, 6 setembru. MS ezonera vogál servisu outónomu, medikamentu no ekipamentu saúde, Cesarina da Costa Fernandes no Octavio Fernandes.
Jornalista: Felicidade Ximenes
Editór : Zezito Silva
