iklan

HEADLINE, SAÚDE

MS ajudika direta Empreza SALI-MAGU sosa medikamentu

MS ajudika direta Empreza SALI-MAGU sosa medikamentu

Logo ministeriu saude

DILI, 26 setembru 2023 (TATOLI) – Minsitériu Saúde (MS) liuhosi despaixu númeru 11/MS/IX/2023, ajudika direta ba kompañia Sali-Magu Unipesoal, Lda atu sosa medikamentu ba Servisu Autonómu Medikamentu no Ekipamentu Saúde (SAMES,I.P).

Tuir nota ne’ebé TATOLI asesu iha Jornál Repúblika katak konteúdu husi karta SAMES ho referénsia: DE-PCDSAMES/MS/IX/2023/213, loron 6 fulan-setembru, ne’ebé hatudu Timor-Leste iha situasaun ida-ne’ebé falta estoke ai-moruk, inklui ekipamentu ospitál.

Konsidera katak autorizasaun atu hala’o despeza ho valór menus hosi US$10,000,000, iha responsabilidade Ministra Saúde nian ne’ebé tuir termu sira iha alinea b, númeru 1 artigu 5 dekretu lei númeru 23/2022 19 maiu.

Kompañia SALI-MAGU, UNIPESSOAL, LDA iha kapasidade atu ezekuta hodi sosa no faan ai-moruk ba SAMES.

Konsidera númeru 2, artigu 4 dekretu-lei númeru 51/2023 24 agostu fó dalan ba Ministra Saúde atu kria grupu servisu ne’ebé hatudu katak nesesáriu atu asegura koordenasaun ne’ebé adekuadu husi órgaun servisu Ministériu Saúde ba prestasaun bens no servisu públiku sira.

Iha númeru 8 artigu 1, dekretu Prezidente Repúblika númeru 59/2023 30 juñu, relasiona ho númeru 1 alinea b, númeru 2 artigu 20 dekretu lei númeru 46/2023 28 jullu, númeru 1 artigu 4 dekretu lei númeru 51/2023 24 agostu, no alinea a númeru 1 artigu 42 dekretu lei númeru 22/2022 11 maiu, ne’ebé altera husi dekretu lei númeru 14/2023 12 abril Ministra Saúde deside autoriza despeza no determina loke prosedimentu aprovizionamentu ne’ebé selebra hodi halo kontratu públiku atu sosa ai-moruk, sasán konsumu médiku no ekipamentu médiku-ospitál nian ba SAMES.

Adopta modalidade ajustamentu ida-ne’e, diretu ba akizisaun lista aimoruk sira ne’ebé aneksu ba karta ho referénsia: DE-PCDSAMES/MS/IX/2023/213, loron 6 fulan-setembru.

Hadia parte fornesimentu ne’ebé iha ligasaun, konvida kompañia SALI-MAGU, UNIPESSOAL, LDA, atu hato’o proposta no kria grupu servisu ida-ne’ebé Ministériu Saúde fó abilidade ba loke, análize no avalia proposta ne’ebé husi kompañia prepara, aprova no haruka relatóriu ne’e ba Ministra Saúde.

Atu Avalia ba proposta ida-ne’e tenke hetan aprovasaun husi grupu traballu, hahú nia funsaun husi loron to’o hetan nia ajudikasaun. Grupu servisu bele funsiona de’it bainhira membru sira ne’ebé marka prezensa iha sorumutu ne’e korresponde ho númeru totál membru sira.

Grupu traballu deside ho maioria votu, la’ós iha autorizasaun abstensaun permite, tanba ne’e nomeia grupu servisu mak Agostinho da Cunha, hanesan prezide reniaun, Krisanto Monteiro, hala’o ninia knaar hanesan Sekretáriu reuniaun no Belchior Soares, hanesan membru.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!