iklan

HEADLINE, SAÚDE

Agostu: Moras ISPA domina iha Dili

Agostu: Moras ISPA domina iha Dili

Ilustrasaun IRA. Imajen/Espesiál

DILI, 27 setembru 2023 (TATOLI) – Diretora Servisu Saúde Munisípiu Dili, Agostinha Segurado, infroma moras sira ne’ebé rejista aas iha sentru saúde no postu saúde iha Dili, iha agostu nia-laran mak moras Infesaun Vias Repsitaróriu Aguda (ISPA).

“Durante fulan agostu ne’e ami rejista moras sira aas iha sentru saúde no postu saúde iha Dili laran mak moras Infesaun Vias Repsitaroriu Aguda (ISPA) ne’ebé afeta ba labarik idade tinan ida to’o 15 ba leten”, Agostinha Segurado dehan ba jornalista sira iha nia kna’ar fatin Formoza, ohin.

Nia hateten, moras ISPA ne’ebé rejista iha Servisu Saúde Munisípiu Dili hamutuk 12.070, husi númeru ida ne’e, barak mak idade menus husi tinan ida, mane hamutuk 734, feto iha 730, depois mai fali tinan ida to’o tinan haat, mane 1.446, feto 1.396, nune’e kategoria ba idade tinan lima ba tinan 14 mane 962, feto 1.100 depois idade 15 ba leten mane 2.158, feto 3.544.

“Moras ispa ne’e nia impkatu mai husi virus no mós ita haree daudaun katak ita-nia klima anin boot, entaun rai rahun maka’as, nune’e afeta ba populaaun sira hodi hetan moras ida ne’e”, nia esplika.

“Atu halo prevensaun ba moras ISPA ne’e mak ba fatin ruma tenke uza maskara hodi evita moras ida-ne’e hodi afeta ba saúde públika, nune’e konsumu ai-han ne’ebé mak iha nutrisaun inklui uza bee ne’ebé moos hodi prepara ai-han ba sira”, nia afirma.

Servisu Saúde Munisípiu Dili iha fulan agostu rejista mós moras te been aguda hamutuk 2.717  Pneumonia 529 no moras kulit sira seluk hamutuk 1.837.

Jornalista : Felicidade Ximenes

Editór : Zezito Silva

iklan
iklan

Leave a Reply

iklan
error: Content is protected !!