iklan

POLÍTIKA

UE kontinua apoiu TL ho jestaun finansa públika

UE kontinua apoiu TL ho jestaun finansa públika

Embaixadór Uniaun Europeia iha Timor-Leste, Marc Fiedrich. Imajen Tatoli/Francisco Sony

DILI, 27 setembru 2023 (TATOLI)—Prezidente Parlamentu Nasionál (PPN), Maria Fernanda Lay, kuarta ne’e, simu audénsia Embaxadór Uniaun Europeia (UE) iha Timor-Leste, Marc Fiedrich, hodi ko’alia kona-ba UE kontinua serbisu hamutuk ho PN no apoiu Timor-Leste ho jestaun finansa públika.

Notisia Relevante: UE Sei Reforsa TL iha Nutrisaun no Jestaun Finansa Públika

“Enkontru ne’e ko’alia liu kona-ba oinsá serbisu ho Parlamentu Nasionál liuliu iha transparánsia orsamentu. Liuliu oinsá Uniaun Europeia nia haree ba esforsu ne’ebé PN hala’o liuliu iha jestaun finansa públika, transparánsia orsamentu ba públiku ka sidadaun sira hatene akompaña ba dezenvolvimentu oioin liuliu setór edukasaun no setór importante sira seluk,” Embaixadór Uniaun Europeia (UE), Marc Fiedrich, hateten ba jornalista sira hafoin ramata enkontru iha uma fukun PN.

Tanba ne’e, Uniaun Europeia hakarak kontinua serbisu sira liuliu iha setór jestaun finansa públika, no iha kestaun ne’e atu apoia di’ak liután kona-ba serbisu públiku sira,” ’’

Biban ne’e, ko’alia mós transparánsia orsamentu nian, haree liu ba sé-sé mak hetan benefísu, liuliu haree ba asuntu importante feto, no oinsá parte kestaun jéneru no merenda eskolár sai parte importante alokasaun iha Orsamentu Jerál Estadu (OJE) 2024.

Durante sorumutu, PPN kontente tebes ho dezempeñu sira-ne’ebé mak iha liuliu kooperasaun serbisu sira ba transparánsia orsamentu.

Embaixadór ne’e hateten, diskute mós kona-ba Timor-Leste nia adezaun ba Organizasaun Mundiál Komérsiu (OMK) no ASEAN, no ko’alia mós oinsá Timor-Leste serbisu hamutuk parseira ekonómiku ho UE nia finanseiru.

PPN aprezenta preokupasaun kona-ba koñesimentu língua oinsá mellora liután ba formasaun.

Durante ne’e, UE hala’o kooperasaun ho Governu Timor-Leste haree ba área finansa públika, ba área justisa haruka juis no prokuradór tuir formasaun inklui área importante seluk tan.

Uniaun Europeira implementa programa ida foka agrofloresta no daudaun ne’e loke kompetisaun foku ba juventude oinsá atu dezenvolve ideia sira liuhosi setór privadu sira bele mai ho ideia inovativu kria negósiu relasiona ho agrofloresta.

Jornalista : Nelson de Sousa

Editór      : Cancio Ximenes

 

iklan
iklan

Leave a Reply

iklan
error: Content is protected !!