SEFOPE Covalima rejista sidadaun 885 hasai kartaun evidénsia
COVALIMA, 28 setembru 2023 (TATOLI)—Diretór Sekretáriu Estadu Formasaun Profesionál no Empregu (SEFOPE) Covalima, António Carvalho, hateten hahú fulan-janeiru to’o fulan-setembru 2023 ne’e, SEFOPE Covalima rejistu sidadaun na’in-885 hasai ona kartaun evidénsia.
“Tuir dadus ne’ebé ami rejistu hahú fulan-janeiru to’o loron 28 fulan-setembru, ita rejista ita-nia sidadaun ne’ebé hasai ona kartaun evidénsia hamutuk na’in-885,” António Carvalho hateten ba jornalista sira iha resintu edifísiu CNE, Tabakolot, kinta ne’e.
Kritériu atu hasai kartaun evidénsia mak hanesan sidadaun sira iha diploma ikus hanesan nivél ensinu sekundáriu ka nonu ano, sertifikadu ruma, sertidaun RDTL, Billete Identidade (BI) no Kartaun Eleitorál no pesoál sira mak hasai direta no labele reprezenta tanba iha nia impaktu negativu.
Sidadun ne’ebé trata kartaun evidénsia (KE) iha SEFOPE Covalima ne’e, fahe ba programa tolu hanesan programa ba auto empregu ne’ebé kria servisu ba nia aan rasik, programa formasaun profisionál ema-ne’ebé buka formasaun no programa Seasonal Worker Programme (SWP) sidadaun ne’ebé asesu vaga online atu servisu iha Austrália.
Sidadaun ne’ebé hasai kartaun evidénsia ba programa ba auto empregu hamutuk na’in-117 kompostu hosi mane 75 no feto 42, programa formasaun profisionál na’in-31 hosi númeru mane 18 no feto 13 no programa Seasonal Worker Programme (SWP) hamutuk 737 ne’ebé kompostu hosi mane 506 no feto 23.
Jornalista : Celestina Teles
Editór : Cancio Ximenes
