SEFOPE-ILO halo konsultasaun ezbosu lei violénsia-asédiu ba entidade iha Covalima
COVALIMA, 28 setembru 2023 (TATOLI)—Sekretáriu Estadu Formasaun Profesionál no empregu (SEFOPE) servisu hamutuk ho ILO hala’o konsultasaun esbosu lei kontra bandu violénsia no asédiu iha mundu traballu ba entidade sira iha Covalima.
“Ohin, ami mai halo konsultasaun ne’ebé servisu hamutuk ho ONG Internasionál ILO oinsá atu haree violénsia no asédiu iha mundu traballu, tanba ita adota konvensaun internasionál 190 kona-ba asédiu no violénsia iha servisu fatin. Ita tenke iha lei atu proteje traballadór no empregadór iha servisu fatin,” Diretór Nasionál relasaun Traballu SEFOPE, Jacinto Barros Gusmão, hateten ba jornalista sira iha resintu edifisiu CNE, Tabakolot, kinta ne’e.
Ho nune’e, nia dehan, lei-ne’e sei aplika ba iha funsaun públika ho setór públiku no privadu, labele mosu violénsia no asédiu iha servisu fatin, tanba Timor-Leste sempre kanta inu nasionál labele halo esplorasaun ba traballadór no empregadór.
Nia haktuir, iha servisu fatin ho ema nia hahalok no hanoin bele hamosu violénsia no asédiu ba labarik feto hamosu atividade ne’ebé labele espera atu akontese hodi fo impaktu negativu ba traballdór rasik no mos empregadór.
Governu hala’o konsultasaun ezbosu lei ho entidade sira iha Covalima, durante loron rua ne’ebé hahú iha loron kinta-sesta (28-29/09) hodi rona ema hotu nia hanoin kona-ba violénsia no asédiu iha mundu traballu.
Programa konsultasaun ezbosu lei ne’e hala’o ona iha munisípiu Dili, iha Funsaun Públika ba empregadór no traballadór, liña ministeriál no sosiedade sivil nune’e atu simu parte hotu nia ideia tanba lei ida-ne’e atu projete empregradór ho traballadór iha futuru.
Tuir alvu hala’o konsultasaun ho stake holder hotu hanesan setór públiku no privadu tanba setór privadu empregadór, trabaldór tantu sosiedade sivil ho ONG hotu.
Progama ida-ne’e Governu liuhosi SEFOPE servisu hamutuk ho ILO hala’o programa konsultasaun esbosu lei violénsia no asédiu iha mundu traballu hetan apoiu orsamentu hosi Uniaun Europeia
Jornalista : Celestina Teles
Editór : Cancio Ximenes
