DILI, 09 outubru 2023 (TATOLI) – Embaxadora foun hosi nasaun Xina mai Timor-Leste Wang Wenli entrega karta kredensiál ba Prezidente Repúblika José Ramos Horta.
“Prezidente Repúblika simu karta kredensiál hosi Repúblika Popular Xina Wang Wenli, atu hala’o nia servisu hanesan Embaxadora iha Timor-Leste”, Vise Ministra Asuntu ASEAN Milena Rangel dehan ba jornalista sira iha Palásiu Governu, segunda ne’e.
Nia dehan, prezensa Embaxadora Xina foun iha Timor-Leste bele kontinua nafatin servisu ne’ebé uluk Embaxadór tuan halo hodi hametin liután kooperasaun entre nasaun rua iha área oioin.
“Ita fiar katak ho Embaxadora foun bele kontinua nafatin servisu ne’ebé antes ne’e iha ona hanesan kooperasaun iha área saúde, edukasaun, infraestrutura no seluk tan ne’ebé eziste hela iha nasaun ne’e”, nia dehan.
Jornalista: Hortencio Sanchez
Editór : Zezito Silva
