PM Xanana sei partisipa AIS Forum iha Bali

DILI, 10 outubru 2023 (TATOLI)-–Primeiru-Ministru (PM), Kay Rala Xanana Gusmão, sei partisipa Archipelagic and Island States Forum (AIS Forum) ka Fórum Estadu Arkipelájiku ba dahuluk, iha Nusa Dua, Bali-Indónezia.

Xanana ho Delegasaun sei desloka hosi Dili bá Bali iha loron tersa (10/10), ho aviaun Aero Dili no sei fila hikas mai Dili, iha loron kinta (12/10).

Bazeia ba nota ne’ebé Agência Tatoli asesu hosi Ministériu Komunikasaun no Informasaun Repúblika Indonézia, katak, reuniaun nível a’as ne’e sei realiza iha loron 10 to’o 11 outubru 2023, ne’ebé konvida ona nasaun arkipelájiku no illa kiik hamutuk 51 inklui organizasaun internasionál balun.

Iha tinan ida-ne’e, Indonézia sai nu’udar uma-na’in ba AIS Forum, ne’ebé iha biban ne’e, Indonézia iha esperansa bele sai inisiativa di’ak hodi bele rezolve kestaun tasi.

Notísia relevante : Xanana sei aprezenta prezervasaun biodiversidade Timor-Leste iha Fórum Oceano

Forum AIS iha tinan 2023 ne’e ho tema ‘Harii kolaborasaun, ne’ebé permite inovasaun ba ita-nia oseanu no futuru’. Ajenda sorumutuk ne’e sei foka liu ba aspeitu importante tolu hanesan ekonomia azul, dezafiu kona-ba mudansa klimátika, no solidariedade entre nasaun arkipelájiku no illa kiik sira.

AIS nu’udar ponte kooperasaun entre nasaun arkipelagu no illa kiik sira iha mundu, ne’ebé ho objetivu atu hametin kolaborasaun hodi hasoru problema globál sira, liu-liu dezenvolvimentu tasi.

Nasaun arkipelájiku no illa kiik hamutuk 51 ne’ebé sei partisipa iha AIS Forum mak hanesan :

1. Antigua and Barbuda
2. Bahamas
3. Bahrein
4. Barbados
5. Belize
6. Cabo Verde
7. Illa Cook
8. Illa Comoro
9. Cuba
10. Chipre
11. Domínika
12. Repúblika Dominikana
13. Estadu Federál Mikronésia
14. Fiji
15. Grenada
16. Guinea Bissau
17. Guiana
18. Haiti
19. Islándia
20. Indonézia
21. Irlanda
22. Jamaika
23. Japaun
24. Kiribati
25. Madagáskar
26. Maldivas
27. Malta
28. Illa Marshall
29. Mauritius
30. Nauru
31. Niue
32. Nova Zelándia
33. Palau
34. Papua Nova Guinea
35. Filipina
36. Santa Kitts and Nevis
37. Santa Lúcia
38. São Vicente e Granadinas
39. Samoa
40. São Tomé e Príncipe
41. Seicheles
42. Singapura
43. Illa Solomão
44. Sri Lanka
45. Suriname
46. Timor-Leste
47. Tonga
48. Trinidad e Tobago
49. Tuvalu
50. Reinu Unidu
51. Vanuatu